მწვავე თივის ცხელების სამკურნალოდ ხალხური მედიცინა უნიკალურ საშუალებას გირჩევთ!

მწვავე  თივის ცხელების  სამკურნალოდ ხალხური მედიცინა უნიკალურ საშუალებას გირჩევთ!
თივის ცხელებით შეპყრობილი ადამიანები გვარწმუნებენ, რომ ეს ერთ - ერთი ყველაზე უსიამოვნო დაავადებაა. ხალხური მედიცინა თვის ცხელებას სამ ტიპად ჰყოფს: სუსტად, ზომიერად მწვავედ, მწვავედ. არის მკურნალობის როგორც პროფილაქტიკური, ისევე სიმპტომატური მეთოდი. თუ მოსალოდნელი ცხელების გამომჟღავნებამდე დღეში ერთხელ ფიჭის ანათალს დაღეჭავთ, დაავადება არ ვლინდება, ან მსუბუქ ფორმაში მიმდინარეობს.

მსუბუქი ფორმის დროს თაფლიანი ფიჭის ღეჭვას ურჩევენ დღეში ერთხელ ორშაბათობით, ოთხშაბათობით და პარასკევობით. ამ დროს სურდო არ ექნებათ და ცხვირით სუნთქვა შესაძლებელია. თუ თაფლიანი ფიჭა არა გაქვთ, ჭამეთ ორი ჩაის კოვზი თაფლი.

ზომიერად მწვავე თივის ცხელებას უნდა ვუმკურნალოთ თაფლიანი ფიჭის ღეჭვით, დღეში 5 - ჯერ, პირველი ორი დღის განმავლობაში და შემდეგ 3 - ჯერ იმ პერიოდის განმავლობაში, რომლის ხანგრძლივობასაც გარემოების მიხედვით განსაზღვრავენ.
ზომიერად მწვავე თივის ცხელების მკურნალობის დროს შემდეგი დასკვნები გაკეთდა:
  • თვალის ცრემლიანობა წუთში წყდებოდა.
  • გაჭედილი ცხვირი 3 წუთში იხსნებოდა. 6 წუთის შემდეგ შესაძლებელი იყო ცხვირით სუნთქვა.
  • სურდო 5 წუთში ქრებოდა.
  • ყელში ანთებითი პროცესი ქრებოდა 3 - 5 წუთში.

მწვავე თივის ცხელების დროს ხალხური მედიცინა გვირჩევს:
  1. დაავადების მოსალოდნელ დაწყებამდე 3 თვით ადრე მიიღეთ თითო სუფრის კოვზი თაფლი ყოველი ჭამის შემდეგ დესერტად. საუკეთესო საშუალებაა თაფლიანი ფიჭა. მაგრამ გამოწურული თაფლიც ეფექტიანია.

  2. დაავადების მოსალოდნელ დაწყებამდე 2 კვირით ადრე ჭამეთ ორი ჩაის კოვზი თაფლი და ოთხი ჩაის კოვზი ვაშლის ძმარი ნახევარ ჭიქა წყალზე, საუზმის წინ და საღამოთი. მკურნალობა გააგრძელეთ სანამ დაავადების სიმპტომები არ გაქრება.

  3. განაგრძეთ თითო სუფრის კოვზი თაფლის ჭამა დესერტად სადილისა და ვახშმის შემდეგ. დალიეთ აგრეთვე ვაშლის ძმრისა და თაფლის ნაზავი საუზმეზე და საღამოთი.

  4. საჭიროების შემთხვევაში უფრო ხშირად ღეჭეთ ფიჭის ანათალი დღის განმავლობაში, რათა გამორიცხოთ სურდო და თავისუფლად ისუნთქოთ ცხვირით.

ვაშლის ძმრის, თაფლისა და ფიჭის ანათალის ღეჭვის ერთდროულად გამოყენება გაცილებით უფრო მეტ შედეგს იძლევა, ვიდრე თივის ცხელების საწინააღმდეგო ინექციები. თუ შეშხაპუნება თავიდან ვერ გვაცილებს სურდოს, მაშინ ხალხური მედიცინის საშუალებები ეფექტიანად მოქმედებენ.
სტატიის წყარო:მათუსალას საიდუმლო