4 ეფექტური საშუალება დაზიანებული ფრჩხილების აღსადგენად

ქალები სილამაზის მისაღწევად ძალისხმევას არ იშურებენ. ფრჩხილების მოვლაც არ არის გამონაკლისი - საკუთარი სიამოვნებისა და ყურადღების მიქცევის მიზნით, მატ იგრძელებენ, იტარებენ უამრავ პროცედურას, რასაც ხშირად სავალალო შედეგი მოსდევს - ფრჩხილები სერიოზულად ზიანდება.

ფრჩხილების გამაგრება

Fpaparazzi გთავაზობთ ფრჩხილების აღსადგენ 4 ეფექტურ საშუალებას.

ზეითუნის ზეთი

ჩაასხით ზეთი მომცრო ღრმა თასში, ჩაყავით თითები 15 წუთით. ზეითუნის ზეთი გაამაგრებს ფრჩხილის პლასტინებს და ხელების კანს ნაზსა და მკვრივს გახდის, უკვე პირველივე გამოყენების შემდეგ.

ლიმონის წვენი

გამოგადგებათ მხოლოდ ახლად დაწურული წვენი. არავითარ შემთხვევაში არ დაწუროთ პლასტმასის ჭურჭელში. გაჭერით ლიმონი და შეიზილეთ წვენი ფრჩხილებზე რამდენიმე წუთის განმავლობაში. თუ კანი ფრჩხილებთან დაზიანებულია, შესაძლოა ოდნავი წვა იგრძნოთ.

კენკრის ნიღაბი

ამისათვის შეგიძლიათ გამოიყენოთ ნებისმიერი კენკრა, მთავარია, იყოს მჟავე.

მოამზადეთ კენკრის პიურე, წაისვით ფრჩჩხილებზე და შემოიხვიეთ ყოველ თითზე საკვების ცელოფანი. გაიჩერეთ 15-20 წუთით, შემდეგ დაიბანეთ.

მარილის აბაზანა

ყველაზე შესაფერისი გახლავთ ზღვის მარილი. მოამზადეთ მარილის ხსნარი - 100 მლ წყალზე 2 ს.კ. შეგიძლიათ დაუმატოთ ნებისმიერი ეთერზეთი. ჩაყავით თითები 10-15 წუთით.