ეს რამდენიმე მარტივი საშუალება ეფექტურად გამოიყენება ჰაიმორიტის სამკურნალოდ!

ჰაიმორიტი ცხვირის დანამატი ღრუების ანთებითი დაავადებაა და, როგორც წესი, ვითარდება გახანგრძლივებული სურდოსა და გრიპის შედეგად. ასევე, მისი განვითარების მიზეზი შეიძლება იყოს ინფექციური დაავადება, მათ შორის ქუნთრუშა და წითელა.
ჰაიმორიტი შეიძლება იყოს მწვავე და ქრონიკული.
მწვავე ჰაიმორიტის დროს ავადმყოფს აღენიშნება ცხვირიდან ლორწოვანი გამონადენი, სუნთქვის გაძნელება, ყნოსვის გაუარესება, ცხვირის გაჭედვა. პაციენტი უჩივის უსიამოვნო შეგრძნებას ლოყებსა და შუბლის არეში, განსაკუთრებით პალპაციისას.

ქრონიკული ჰაიმორიტის არსებობისას სახეზეა ყველა ზემოთ ჩამოთვლილი სიმპტომები, თუმცა, სუსტად გამოხატული. ადგილი აქვს ლორწოვან და ჩირქოვან გამონადენს, რომელიც ცხვირის გასავლებიდან ცხვირ - ხახაში ხვდება, ასევე ხდება ცხვირის ღრუს შეშუპება. იშვიათად, ცხვირის ღრუში შეიძლება წარმოიქმნას პოლიპები.
მკურნალობის დაწყების წინ აუცილებელია დაისვას ჰაიმორიტის ზუსტი დიაგნოზი რენტგენოგრაფიის გამოყენებით.

მკურნალობის წესი:

• მედიკამენტური მკურნალობის პარალელურად ნაჩვენებია ფიზიოპროცედურები: მშრალი სითბო ( ლურჯი სხივები, სათბური შუბლისა და ლოყების არეში ), დიათერმია.
  
  
• დაავადების დაწყებით სტადიაში რეკომენდებულია ცხვირის ორივე მხარეს ოქროს ულვაშის დამდუღრებული ფოთლების მიდება 10 წუთით, დღეში 2 - 3 - ჯერ.
  
  
• ოქროს ულვაშის პრეპარატებიდან ნაჩვენებია ნაყენის ყელში გამოვლება და ცხვირში ჩაწვეთება - 2 წვეთი თითო ნესტოში 3 - 4 - ჯერ დღეში.