ეს ფხვნილი შეიცავს გაცილებით მეტ ანტიოქსიდანტს, ვიდრე მოცვი, მეტ რკინას, ვიდრე ისპანახი და მეტ ბეტა-კაროტინს, ვიდრე სტაფილო.

მსოფლიომ გასაოცარი მცენარის, სპირულინას შესახებ სულ რამდენიმე წლის წინ შეიტყო. ეს წყალმცენარე წარმოადგენს ცილების, ანტიოქსიდანტების, ფერმენტების, ვიტამინებისა და მინერალების ერთ-ერთ უდიდეს ბუნებრივ წყაროს.

გაგიკვირდებათ, თუმცა სპირულინას მცირეოდენი ფხვნილი შეიცავს 5-ჯერ მეტ საკვებ ნივთიერებას, ვიდრე ხილისა და ბოსტნეულის 5 ულუფა. ამ მცენარის სახელწოდება მისი ნათელი ფერითაა განპირობებული. ბეტა კაროტინი და ქლოროფილი, სპირულინას ძირითადი პიგმენტები, წარმოუდგენლად სასარგებლოა ჩვენი ორგანიზმისთვის.

სპირულინა ხორცის არაჩვეულებრივი ალტერნატივაა, რადგან ის 60%-ით ცილებისგან შედგება. დიეტოლოგებისა და ექიმების მტკიცებით, სპირულინა იმ იშვიათი მცენარეების ჯგუფს მიეკუთვნება, რომელიც ვიტამინ B12-ის საკმაოდ დიდ წყაროს წარმოადგენს.

მეტიც, ეს წყალმცენარე შეიცავს ომეგა 3-ს, ომეგა 6-ს, GLA-ს და DHA-ს (ტვინის მთავარი კომპონენტი). ეს ჯანსაღი ლიპიდები ძალზედ მნიშვნელოვანია მთელი ჩვენი ორგანიზმის გამართული ფუნქციონირებისთვის.

სპირულინა შეიცავს:

• 3,1%-ით მეტ ბეტა-კაროტინს (A ვიტამინი), ვიდრე სტაფილო;
  
• 5,5%-ით მეტ რკინას, ვიდრე ისპანახი;
  
• 600%-ით მეტ ცილას, ვიდრე ტოფუ;
  
• 280%-ით მეტ ანტიოქსიდანტს, ვიდრე მოცვი;
  
• დიდი რაოდენობით ვიტამინ B1-ს (თიამინი), ვიტმაინ B2-ს (ნიკოტინამინი), ვიტმაინ B6-ს (პირიდოქსინი), ვიტამინ B9-ს (ფოლიუმის მჟავა), С, D და E ვიტამინებს.
  

გარდა ყოველივე ზემოთ თქმულისა, სპირულინა წარმოადგენს კალიუმის, კალციუმის, ქრომის, სპილენძის, მაგნიუმის, ფოსფორის, გოგირდის, ნატრიუმისა და თუთიის საკმაოდ დიდ ბუნებრივ წყაროს.

სპირულინას მთავარი უპირატესობები ჩვენი ჯანმრთელობისთვის:

• ხსნის ალერგიას;
  
• ამაღლებს იმუნიტეტს;
  
• არეგულირებს სისხლის წნევას;
  
• არეგულირებს სისხლში ქოლესტერინის დონეს;
  
• თავიდან გვარიდებს სიმსივნეს;
  
• აღადგენს მსხვილი ნაწლავის ჯანსაღ მიკროფლორას;
  
• ამცირებს კატარაქტისა და მაკულარული დეგენერაციის განვითარების რისკს;
  
• ფლობს ანთების საწინააღმდეგო და ანტიმიკრობულ თვისებებს;
  
• აძლიერებს რეზისტენტულობას ინსულინის მიმართ;
  
• თავიდან გვარიდებს ღვიძლის დაზიანებას ქიმიური პრეპარატების მიღების დროს.
  

გასაოცარია, არა? ყოველივე ზემოთ თქმულიდან გამომდინარე, გირჩევთ, გაამდიდროთ კვების რაციონი ჩვენი ორგანიზმისთვის წარმოუდგენლად სასარგებლო ამ წყალმცენარით. ვიმედოვნებთ, რომ ეს ინფორმაცია თქვენთვის სასარგებლო და გამოსადეგარი აღმოჩნდება. გისურვებთ ყველაფერს საუკეთესოს!