სიმინდის ბლინები მსხლითა და ავოკადოთი- უგემრიელესი სამარხვო დესერტი

მარხვის პერიოდში ამ გემრიელი დესერტის მომზადებას აუცილებად გირჩევთ. გარდა იმისა რომ გემრიელი და სასარგებლოა, ადვილად მზადდება.
მომზადების დრო- 1 საათი, პორციების რაოდენობა- 4, კალორიულობა- 489 კკ-ია.

საჭირო მასალა:

• 3 ს.კ წვრილად დაჭრილი მწვანე ხახვი
  
• 2 ჭიქა ფქვილი
  
• ზღვის მარილი
  
• 1 წითელი ბულგარული წიწაკა
  
• ლიმონი
  
• მარილი
  
• 2 ჭიქა გაყინული სიმინდის მარცვალი
  
• 1 ჩ.კ გამაფხვიერებელი
  
• 0,5 დაფქული ჩილი
  
• მცენარეული ზეთი
  
• 1 მწვანე წიწაკა
  
• 2 კბილი ნიორი
  
• 1 ჭიქა სოიოს რძე ან წყალი
  
• 1 ცალი მსხალი
  

მოსასხმელად:

• ზეითუნის ზეთი- 1ს.კ
  
• ავოკადო
  
• მწვანე ხახვი
  

მომზადების წესი:

1. ბულგარული წიწაკა გარეცხეთ, დაჭერით წვრილად და მაღალ ცეცხლზე, ზეითუნის ზეთში მოთუშეთ 1-2 წუთის განმავლობაში.
   
2. სიმინდს დაასხით მდუღარე წყალი, მიიყვანეთ ადუღებამდე, შემდეგ წყალი გადაუქციეთ და აცადეთ გაცივება.
   
3. ერთმანეთში აურიეთ ფქვილი, მარილი, ჩილი და გამაფხვიერებელი.
   
4. ცალკე ჯამში ჩაყარეთ წიწაკა, სიმინდი, სოიოს რძე ან წყალი, დაჭყლეტილი ნიორი და წვრილად დაჭრილი მწვანე ხახვი. ნელ - ნელა დაუმატეთ ფქვილი.
   
5. სქელძირიანი ტაფა კარგად გაახურეთ და წაუსვით ცხიმი. მიღებული მასა თხელ ფენად დაასხით და შეწვით ბლინები ორივე მხრიდან დაახლოებით 2-3 წუთის განმავლობაში.
   
6. ავოკადო გათალეთ და ძალიან წვრილად დაჭერით. მაშინვე დააწურეთ ლიმონის წვენი.
   
7. პომიდორს დაასხით მდუღარე წყალი, მოაშორეთ კანი და წვრილად დაჭერით.
   
8. მსხალი გათალეთ და წვრილად დაჭერით. წიწაკა წვრილად დააქუცმაცეთ. ეს ყველაფერი ერთმანეთში აურიეთ, შემდეგ კი დაუმატეთ მწვანე ხახვი, მარილი და პილპილი.
   
9. მოასხით ბლინებს და გემრიელად მიირთვით.