მწვანე ლობიო ნიგვზით - უგემრიელესი საგაზაფხულო კერძი

მწვანე ლობიოს სეზონი ახლოვდება და დროა ჩავინიშნოთ მისგან მომზადებული რეცეპტები.

საჭირო მასალა:

• ზეთი
  
• ხახვი 1 თავი
  
• მარილი და პილპილი გემოვნებით
  
• ნიგოზი 1 მუჭა
  
• კამა 1 კონა
  
• ნიორი 3 კბილი
  
• მწვანე ლობიო 400 გ
  
• ქინძი 1 კონა
  

მომზადების წესი:

1. დაამტვრიეთ, გარეცხეთ მწვანე ლობიო და მოხარშეთ. გადაწურეთ და გააცივეთ.
   
2. ხახვი დაჭერით წმინდად. ტაფაში ჩაასხით ზეთი და მოხრაკეთ ხახვი. დაუმატეთ ლობიო.
   
3. შეგიძლიათ დაუმატოთ ცოტაოდენი ცხარე მწვანე წიწაკა გემოვნებით.
   
4. დააფარეთ თავსახური და თუშეთ 10-15 წუთი. 5 წუთით ადრე მომზადებამდე მოაყარეთ მარილი.
   
5. ნიგოზი დააქუცმაცეთ. მწვანილი გარეცხეთ და დაჭერით წმინდად. ნიორი დაჭყლიტეთ. შეურიეთ ყველა ინგრედიენტი, დაუმატეთ ცოტაოდენი ზეთი და კარგად აურიეთ.
   
6. დაუმატეთ ლობიოს ნიგვზის მასა და აურიეთ.
   

რჩევა: სურვილისამებრ, შეგიძლიათ დაუმატოთ ცოცხალი, დაჭრილი პომიდორი და სხვა საყვარელი სუნელები. მაგალითად, ხმელი სუნელი.

გემრიელად მიირთვით!