სამეფო ხაჭაპურის რეცეპტი ფუმფულა ცომით
FPAPARAZZI-ის რედაქციამ ამჯერად ხაჭაპურის რეცეპტი შეგირჩიათ, რომელიც მაწვნის ან კეფირის ცომზე მზადდება და ძალიან გემრიელია.
საჭირო მასალა:
მომზადების წესი:
საჭირო მასალა:
- მაწონი ან კეფირი- 500 მლ
- რძე- 200 მლ
- კვერცხი- 3 ცალი
- გამდნარი კარაქი- 100 გ
- მცენარეული ზეთი- 100 მლ
- ფქვილი- 1000 გ
- მშრალი საფუარი- 10გ
- შაქარი- 1ჩ.კ
- მარილი გემოვნებით
- ჭყინტი ყველი- 1 კგ
- კარაქი- 75 გ
- არაჟანი- 1 ს.კ
- 1კვერცხის გული
მომზადების წესი:
- თბილ რძეს დაუმატეთ მწიკვი შაქარი და საფუარი, დაასხით ცოტა მცენარეული ზეთი, ფქვილი და დადგით 15-20 წუთით თბილ ადგილას ამოსაფუებლად.
- შემდეგ მასას დაუმატეთ მაწონი, 1 კვერცხი და ფქვილის ნახევარი. მოზილეთ ცომი. ნელ- ნელა შეურიეთ მარილი,დამდნარი კარაქი და შეაზილეთ დარჩენილი ფქვილი.
- დროდადრო ხელი ზეთით დაისველეთ და ისე განაგრძეთ ცომის ზელა, რათა მასა უფრო ადვილად შეიკრას.
- მზა ცომს თავზე მოაყარეთ ცოტაოდენი ფქვილი. შეფუთეთ და დადგით თბილ ადგილას ასაფუებლად 1- 1,5 საათის განმავლობაში.
- ამასობაში ყველი გახეხეთ, დაუმატეთ კვერცხი და დარბილებული კარაქი.
- ცომი და გულსართი გაყავით 6 ტოლ ნაწილად.
- თითოეული გუნდა გააბრტყელეთ, ჩადეთ მის გულში ყველი და შეკარით.
- ხაჭაპურს გამოცხობამდე ზემოდან წაუსვით კვერცხის გულისა და არაჟნის ნაზავი და რამდენიმე ადგილას ჩანგლით დაჩხვლიტეთ.
- ხაჭაპური უნდა აცხოთ 180 გრადუსზე გახურებულ ღუმელში 30 წუთის განმავლობაში.
- შემდეგ წაუსვით კარაქი, დააცადეთ შეგრიელება და გემრიელად მიირთვით.