როგორ გამოვაცხოთ უგემრიელესი პური ცომში სხვადასხვა დანამატებით ჩამატებით?

არომატული და დაბრაწული ქერქი და ფუმფულა გული- ამაზე გემრიელი რა უნდა იყოს? ამჯერად გასწავლით, როგორ გამოვაცხოთ ასეთი პური საკუთარი ხელით.

თანამედროვე დიასახლისებს აშკარად გაუმართლათ, რადგან საქმის გასაადვილებლად უამრავი თანამედროვე ხელსაწყო არსებობს. იმისთვის, რომ პური უფრო გემრიელი გამოვიდეს, რჩევებს ჩვენ მოგაწვდით. შეიხედეთ მაცივარში ან კარადაში. პურისთვის არომატის და გემოს მისაცემად გამოგადგებათ როგორც ხახვი და ნიორი, ისე ლორი, ყველი, ნიგოზი, მზესუმზირა ან ნამცხვრისთვის საჭირო სხვადასხვა სუნელი.

ნიგოზი, მზესუმზირა და სუნელები ტაფაზე უნდა დაყაროთ და მსუბუქად მოხალოთ.
ხახვი, ნიორი და ბეკონი აუცილებლად წვრილად დაჭერით, ყველი კი გახეხეთ.
სასურველი ინგრედიენტები დაუმატეთ მზა ცომს და კარგად მოზილეთ.

პურს გემო შეგიძლიათ მისცეთ ზეითუნის ზეთის ან იოგურტის დახმარებითაც. თუკი მცენარეულის ნაცვლად ზეითუნის ზეთს გამოიყენებთ, რძის ნაცვლად კი ბუნებრივ იოგურტს.

უბრალო ინგრედიენტები იდეალური გემოსთვის

ყველი
აძლევს პურს ნაზ გემოსა და არომატს. კანს უფრო გემრიელსა და ოქროსფერს ხდის.

სტაფილო
წვრილად გახეხილი სტაფილო შეურიეთ ცომს. სტაფილო მზა პურს სინოტივეს და ლამაზ ფერს აძლევს.

ბალზამის ძმარი
მისი გამოყენება პურს მომჟავო არომატს აძლევს და ძალიან გემრიელია.

ბეკონი
ნებისმიერი ხარისხის ფქვილთან შეგიძლიათ გამოიყენოთ. ბეკონთან ერთად გამომცხვარი პური ძალიან არომატული გამოდის

ტომატის წვენი ან სოუსი
დაუმატეთ იგი ზეთისხილთან ერთად , რაც პურს არაჩვეულებრივ არომატს მისცმეს

ნიგოზი და მზესუმზირა
პურის ტექსტურას არჩვეულებრივ სინაზეს და გასაოცარ გემოს ანჭებს

პური ჩილითა და ბეკონით

10 პორციისთვის საჭირო მასალა:
ერთი შეკვრა ნარევი ჭვავის პურის მოსამზადებლად
50გ ბეკონი
1ჩ.კ დაფქული ჩილი

მომზადების წესი:
შეფუთვაზე მითითებული ინსტრუქციით მოზილეთ ცომი. ბეკონი დაჭერით წვრილ კუბებად და აურიეთ ჩილისთან ერთად ცომში. გამოცხვეთ და გემრიელად მიირთვით.