რატომ უწოდებენ ჟენშენის ფესვს სიცოცხლის ფესვს?! არის ჟენშენი - არის ჯანმრთელობა!

ჩინელები ამბობენ: არის ჟენშენი - არის ჯანმრთელობა, არ არის ჟენშენი - არ არის ჯანმრთელობა. ჩვენთან ფესვი სწორედ ჩინეთიდან მოვიდა, სადაც მას სამართლიანად უწოდებენ სიცოცხლის ფესვს. ჩინელები მას თვლიან წმინდად, ამტკიცებენ, რომ ფესვის მოძებნა ყველას არ ძალუძს. იგი ერგება მხოლოდ ღირსეულს, მათ, ვინც პატიოსნად განვლეს ცხოვრება. ფესვს აგროვებენ ( თხრიან ) ივნისის ბოლოს, ივლისის დასაწყიში. სწორედ ამ დროს აქვს მას ყველაზე მეტი ძალა. ყველაზე ძვირფასად ითვლება ფესვი, რომელიც ადამიანის ფიგურას ჰგავს.

თუ ადამიანს უდროოდ გაუჩნდა სიბერის ნიშნები, სისუსტე, თავბრუსხვევა, ტკივილები თავსა და გულში, - გამოჯანმრთელების, გაახალგაზრდავების, ძალების მოკრების საუკეთესო საშუალებაა - ჟენშენის ფესვის ნაყენი. იგი მზადდება ასე:

დაგჭირდებათ:

• 1 ს/კ ჟენშენის ფესვი
  
• 0,5 ლ არაყი
  

მომზადების და გამოყენების წესი:
1 ს/კ დანაკუწებულ ფესვზე ან მის რამდენიმე სანტიმეტრიან ნაჭერზე ასხამენ ნახევარ ლიტრა კარგად გაწმენდილ არაყს. უკვე ერთი დღის შემდეგ საჭიროა დაიწყოთ სმა, რომ ორგანიზმი ნელ - ნელა შეეჩვიოს, გადავიდეს ფესვის სუსტიდან უფრო ძლიერ კონცენტრაციაზე. სვამენ თითო კოვზს 3 - ჯერ დღეში ჭამამადე. როცა ნაყენი სულ ცოტაღა დარჩება, ბოთლს ისევ შეავსებენ არყის პორციით. ასე შეიძლება გაკეთდეს ორჯერ, ან სამჯერ მაინც. უკვე ერთი - ორი კვირის შემდეგ თქვენ იგრძნობთ როგორ ივსება თქვენი სხეული ახალგაზრდული ძალებით, ქრება მოთენთილობა, გულგრილობა სიცოცხლისადმი, სხვადასხვა ტკივილები, რომლითაც თქვენ იტანჯებოდით.