უგემრიელესი ფარშირებული ქათმის ფილე - ნაბიჯ-ნაბიჯ რეცეპტით!

უგემრიელესი ფარშირებული ქათმის ფილე - ნაბიჯ-ნაბიჯ რეცეპტით!
ნაზი და წვნიანი ქათმის ფილე, ბოსტნეულის პიკანტური გულსართი და ხრაშუნა კანი - ეს კერძი ნებისმიერ სადღესასწაულო სუფრას დაამშვენებს!

საჭირო მასალა:

  • ქათმის ფილე 4 ცალი
  • ნიახურის ფესვი 160 გ
  • ნიორი 20 გ
  • კამა 15 გ
  • დაფქული შავი პილპილი გემოვნებით
  • მდოგვი 1 ჩ/კ
  • ხახვი 350 გ
  • სტაფილო 160 გ
  • ოხრახუში 15 გ
  • მარილი გემოვნებით
  • არაჟანი 1 ს/კ
  • პაპრიკა 1 ჩ/კ


მომზადების წესი:

  1. გახეხეთ მოგრძო ნაჭრებად სტაფილო, ხოლო ნიახურის ფესვი დაჭერით წრეებად.
  2. მოხრაკეთ ხახვი ზეთში. დაუმატეთ სტაფილო და ნიახური და ხრაკეთ რამდენიმე წუთი.
  3. დაჭერით წვრილად კამა და ოხრახუში. ასევე წვრილად დაჭერით ნიორი. დაუმატეთ მოხრაკულ ბოსტნეულს, დაუმატეთ მარილი და პილპილი გემოვნებით და მოურიეთ.
  4. ქათმის თითოეულ ფილეზე გააკეთეთ გვერდიდან ჩანაჭერი ისე, რომ კიდემდე 1 სმ დატოვოთ, შემდეგ გადახსენით ფილე, როგორც წიგნი, დააფარეთ საკვების შესაფუთი ცელოფანი და დაბეგვეთ.
  5. მოაყარეთ მარილი და პილპილი და მოათავსეთ ბოსტნეულის გულსართი. გადაახვიეთ რულეტად.
  6. მოათავსეთ მიღებული ქათმის რულეტები გამოსაცხობ ფორმაზე და შედგით 180 გრადუსზე გახურებულ ღუმელში 20 წუთით.
  7. ამასობაში ერთმანეთში აურიეთ მდოგვი, არაჟანი, პაპრიკა, მარილი და პილპილი. წაუსვით მიღებული მასა რულეტებს და კვლავ შეაბრუნეთ ღუმელში 10 წუთით.


გემრიელად მიირთვით!