სალათა „საყვარელი ქმრისთვის!“

fpaparazzi საინტერესო სახელწოდების სალათს გთავაზობთ - ის ისეთივე გემრიელია, როგორც დამაინტრიგებელი!

საჭირო მასალა:

• თავისივე წვენში დაკონსერვებული ლობიო 400 გ
  
• სიმინდის კონსერვი 1 პატარა ქილა
  
• პომიდორი 1 ცალი
  
• ლორი 150 გ
  
• მწვანილი გემოვნებით
  
• ნიორი 2 კბილი
  
• მაიონეზი
  
• თეთრი პურის 2 ნაჭერი
  
• მარილი და დაფქული პილპილი
  

მომზადების წესი:

1. ლორი დაჭერით ჩხირებად. პომიდორი - კუბიკაბდ, მწვანილი - წმინდად.
2. ლობიოს და სიმინდის კონსერვი გადაწურეთ. ყველა ინგრედიენტი აურიეთ ჯამში, დაუმატეთ დაჭყლეტილი ნიორი, მარილი, პილპილი და მაიონეზი. კარგად აურიეთ.
3. პური დაჭერით კუბიკებად და შეწვით მშრალ ტაფაზე.
4. სალათა გადაიტანეთ სასალათეში და მოაყარეთ პურის ორცხობილები.
5. სუფრასთან მიტანის წინ ამოურიეთ.

გემრიელად მიირთვით!