ხალხური მედიცინის რჩევები იმპოტენციის სამკურნალოდ!

იმპოტენცია ( სქესობრივი უძლურება ) - მდგომარეობაა, როცა მამაკაცს არ ძალუძს სქესობრივი აქტის შესრულება. იმპოტენცია სქესობრივი ფუნქციის მოშლას უკავშირდება. ის შეიძლება გამოწვეული იყოს ხერხემლის ტრამვის შემდეგ, ალკოჰოლის ხანგრძლივი და ჭარბი მიღებით, ძილის მომგვრელი და დამამშვიდებელი მედიკამენტების ხმარებით, დიაბეტის ან სიმსუქნის დროს. ასეთ შემთხვევებში ექიმის რჩევა აუცილებელია.

სქესობრივი ნევრასთენია - ნერვული სისტემის გადაღლისა და გამოფიტვის გამოვლენაა. შესაძლოა მას თან ახლდეს იმპოტენცია, რომელიც ვითარდება ცხოვრების არაჯანსაღი წესის გამო, სქესობრივ ორგანოებზე არაბუნებრივი გზით მანიპულაციების ჩატარებით ( ონანიზმი ).

ვენერიული დაავადებები ( სიფილისი, გონორეა ) მათი შედეგებით - ძალზე საზიანოდ აისახება მამაკაცის სქესობრივ ფუნქციაზე, ასუსტებს მას და ზოგჯერ სავსებით ანადგურებს კიდეც.

ხალხური მედიცინის რეკომენდაციები იმპოტენციის სამკურნალოდ.

ყვითელი დუმფარა. ავიღოთ 4 ს/კ დაქუცმაცებული ფესურა, დავასხათ 1 ლ ანადუღარი წყალი, ვადუღოთ 4 - 5 წთ. ვსვათ თითო ს/კ 2 - ჯერ დღეში. გამოვიყენოთ იმპოტენციის დროს სქესობრივი ლტოლვის შესუსტებისას.
დოზის გაზრდით შესაძლებელია უარყოფითი გვერდითი მოვლენები!

კაკალი. კაკლის გული დააქუცმაცეთ, დაამატეთ თაფლი თანაბარი პროპორციით. მიიღეთ ორ - ორი ს/კ 2 - 3- ჯერ დღეში, ჭამიდან ნახევარი სთ - ის შემდეგ, რძის მიყოლებით. მკურნალობის კურსია 20 - 30 დღე.

სვია. 1 ს/კ სვიის გამხმარ "გირჩებს" დაასხით 1 ჭიქა ანადუღარი წყალი და დახურული სარქველით ხარშეთ ნელ ცეცხლზე 5 წთ. გააგრილეთ, გაწურეთ და სვით ნახევარ - ნახევარი ჭიქა 2 - ჯერ დღეში ჭამამდე. მკურნალობის კურსი - 10 დღე.
სტატიის ავტორი: სულიკო ხეტეშვილი
სტატიის წყარო:ჯანმრთელობის საგანძური