უმკურნალეთ ჩაზრდილ ფრჩხილს სახლის პირობებში. მეთოდი, რომელსაც არაერთხელ ვუხსნივარ!

ჩაზრდილი ფრჩხილი - მტკივნეული, უსიამოვნო და არაესთეტიკური პრობლემა. მუდმივ ტკივილს სიარულის დროს შეიძლება სერიოზული გართულებები მოჰყვეს, რის გამოც აუცილებელია დროულად პრობლემის გადაჭრაზე ზრუნვა.

პირველ რიგში, უნდა გაერკვეთ, რომ ფრჩხილი ნებისმიერ თითზე შეიძლება ჩიაზარდოს. როგორც წესი, ყველაზე ხშირად ამ უსიამოვნო მოვლენისგან ცერა თითი ზიანდება. თუ თქვენ ფეხის რომელიმე თითზე დისკომფორტს განიცდით, არავითარ შემთხვევაში დააიგნოროთ ეს სიმპტომი.

ფრჩხილის ჩაზრდის გამომწვევი მიზეზებია:

• არაკომფორტული ფეხსაცმლის ტარება;
  
• ფრჩხილების არასწორი მოვლა;
  
• ჭრილობა;
  
• დიაბეტი;
  

როგორ გავიგოთ, რომ ფრჩხილი ჩაზრდის პროცესშია?

საბედნიეროდ, ფრჩხილის ჩაზრდის დაიგნორება შეუძლებელია, რადგან ამ პრობლემისთვის ძალზედ უსიამოვნო სიმპტომებია დამახასიათებელი:

• ტკივილი ფრჩხილის ქვეშ;
  
• დაზიანებული თითის შეშუპება და შეწითლება;
  
• სისხლდენა.
  

დღეს ''Fpaparazzi''-ის რედაქცია გთავაზობთ რამდენიმე მარტივ, თუმცა ძალზედ ეფექტურ მეთოდს, რომელიც ფრჩხილის ჩაზრდის შეჩერებაში დაგეხმარებათ. გახსოვდეთ, რომ აუცილებელია დროულად რეაგირება და პრობლემის გადაჭრაზე ზრუნვა იქამდე, სანამ სიტუაცია გართულდება.

1. ფეხების აბაზანა

მოამზადეთ აბაზანა ფეხებისთვის. აუცილებელია რეგულარულად კანის დარბილება და დატენიანება. პერიოდულად ამ პროცედურის ჩატარებით თქვენ დაზღვეული იქნებით ფრჩხილის ჩაზრდისგან.



რეკომენდირებულია წყალში კანის დამარბილებელი საშუალების ჩამატება (მაგ: ინგლისური მარილი).

2. ბამბის ლილვაკი

აიღეთ ბამბა და დაამზადეთ მისგან ლილვაკი, რომლის მოთავსებასაც ფრჩხილსა და თითის კანს შორის შეძლებთ

თუ ეს პროცედურა თქვენთვის ზედმეტად მტკივნეული იქნება, მაშინ დაუყონებლი მიმართეთ ექიმს. თუ პრობლემა ჯერ იმ დონემდე არაა გართულებული, რომ ბამბის ლილვაკის ფრჩხილსა და კანს შორის მოთავსებას ახერხებთ, ამ პროცედურის დახმარებით თქვენ საოცარ შვებას იგრძნობთ და თავიდან აირიდებთ ფრჩხილის ჩაზრდას. ლილვაკი უნდა გაიჩეროთ რამდენიმე დღის განმავლობაში.

3. ტკივილის მოხსნა

არსებობს რამდენიმე ნატურალური საშუალება, რომელიც შეგიმსუბუქებთ ტკივილს და დაეხმარება ფეხების კანს აღდგენაში.

1. ვაშლის ძმარი[/b]
   
   დაასველეთ ბამბის ნაჭერი ძმარში და დაიმუშავეთ მისი გამოყენებით დაზიანებული ზონა.
   
   
2. ევკალიპტის ეთერზეთი
   
   ამ შემთხვევაშიც დაასველეთ ბამბა ეთერზეთში და დაიმუშავეთ მისი გამოყენებით დაზიანებული თითი.
   
   
3. ლიმონის ნაჭერი
   
   გაჭერით ლიმონი შუაზე და დაიმუშავეთ მისი რბილობით პრობლემური ფრჩხილი. მეტი ეფექტურობისთვის, დაზიანებული თითი მთლიანად დაიფარეთ ლიმონის შიგთავსით, გადაიხვიეთ დოლბანდით და დაიტოვეთ მთელი ღამით.
   

ვიმედოვნებთ, რომ ეს ინფორმაცია თქვენთვის სასარგებლო და გამოსადეგარი იქნება. იზრუნეთ თქვენს მეგობრებზეც, აუცილებლად გაუზიარეთ მათ ეს სტატია!