მამალო - ბავშვობის ტკბილი მოგონება

fpaparazzi ბავშვობის ყველაზე საყვარელი ტკბილეულის, მამალოს რეცეპტს გთავაზობთ. იმისათვის, რომ მამალოს განსაკუთრებული გემო მიანიჭოთ, დაუმატეთ წყალში გახსნილი მურაბა, თაფლი, მოხალული თხილი ან ნიგოზი, საკვები საღებავები.

საჭირო მასალა:

• შაქარი 300 გ
  
• წყალი 100 მლ
  
• თაფლი, თხილი, მურაბა გემოვნებით
  
• ხის ჩხირები 10 ცალი
  

მომზადების წესი
1. ჩაყარეთ პატარა ქვაბში შაქარი, დაასხით წყალი.
2. დადგით ცეცხლზე და გამუდმებით ურიეთ, სანამ შაქარი გადნება. აადუღეთ მასა.
3. დაუმატეთ სასურველი ინგრედიენტები.
4. ჩაასხით სიროფი ფორმებში და ჩააარჭვეთ ხის ჩხირები.
5. მოათავსეთ მამალოები მაცივარში, სანამ ბოლომდე არ გამაგრდება.

გემრიელად მიირთვით!