ბრონქული ასთმის მკურნალობა და რჩევები შეტევისას მდგომარეობის შესამსუბუქებლად!

ბრონქული ასთმის მკურნალობა და რჩევები შეტევისას მდგომარეობის შესამსუბუქებლად!
ასთმა ბრონქული - სასუნთქი ორგანოების ქრონიკული დაავადებაა, როელიც გამოიხატება სხვადასხვა ძალისა და ხანგრძლივობიის ( რამდენიმე საათიდან რამდენიმე დღემდე ) სულის ხუთვის პერიოდული შეტევით. შეტევა გამოწვეულია წვრილი ბრონქების სპაზმით, მათი ლორწოვანი გარსის შესივებით და უხვად გამოყოფილი ნერწყვის დახშობით.
როგორც წესი, ასთმური შეტევები უეცრად, ხშირად ღამით ემართებათ. მისი ნიშნებია ჰაერის გაძნელებული შესუნთქვა, გულმკერდის გაბერვა, ხრჩობის მძიმე შეგრძნება. ავადმყოფი სუნთქავს სისინით, ულურჯდება სახე, კისერზე ებერება ვენები.

სასარგებლო რჩევები ასთმური შეტევისას ავადმყოფის მდგომარეობის შესამსუბუქებლად.

  • შეტევას აყუჩებს სხეულის ზედა ნაწილის მასაჟი თავიდან ქვემოთ, მკერდსა და ზურგის ზედა ნაწილამდე; მასაჟი შეიძლება გაკეთდეს ტალკის ან ზეთოვანი კრემის გამოყენებით.

  • უეცარი შეტევის დროს რეკომენდებულია ქერის ყავის დალევა, ყინულის ნატეხის გადაყლაპვა, ნიშადურის სპირტის შეყნოსვა.

  • ბლანტი ნახველის გასათხელებლად შეტევის დროს დალიეთ ცოტაოდენი დაძმარებული ღვინო ან მიიღეთ საჭმელი სოდა დანის წვერით. ასევე შველის ვალერიანის ნაყენი 15 - 20 წვეთი ერთ სირჩა წყალში.

ხალხური მედიცინის რეკომედაციები ბრონქულის ასთმის სამკურნალოდ. შინაგანი მოხმარებისთვის.

კუნელი მოსისხლო - მოწითალო. აიღეთ 3 ს/კ ნაყოფი, დაასხით 3 ჭიქა ადუღებული წყალი და სულის ხუთვის დროს სვით თითო ჭიქა დღეში სამჯერ.

თავშავა ჩვეულებრივი. დაქუცმაცებული ბალახის 2 ს/კ - 2 ჭიქა ადუღებულ წყალზე. შესვით სამ მიღებაზე ჭამამდე 30 წთ-ით ადრე. გამოიყენება ასთმის დროს, როგორც ძლიერი ოფლმდენი და ნახველის ამოსაღები საშუალება.
რეცეპტი მავნებელია მავნებელია ფეხმძიმეთათვის.

ტყის მარწყვი. ფოთლების 2 ს/კ - 2 ჭიქა ადუღებულ წყალზე. გამოიყენეთ ასთმის დროს.

ჭინჭარი. დაშაქრულ ფესურას ხმარობენ ხველებისას, რომელიც ახლავს ბრონქულ ასთმას, ბრონქიტსა და ყივანახველას.

ხახვი. აიღეთ 40 თავი სათესი ხახვი და დააყენეთ ადუღებული წყლით. გააჩერეთ მანამ, ვიდრე არ დალბებიან. შემდეგ ჩაუშვით ისინი 0, 5 ლ ზეითუნის ზეთში და ჩაზილეთ. ეს პიურე მიიღეთ თითო ს/კ უზმოზე და საღამოს ჭამის წინ ( ვანგა ).

ნიორი. ეფექტურ ბაქტერიოციდურ და შემარბილებელ საშუალებად ბრონქული ასთმის დროს წარმოადგენს " ნივრის კარაქი ". მის მოსამზადებლად ნიორი წვრილად გახეხეთ, შეურიეთ მარილსა და ახალ კარაქს ( 100 გრ კარაქზე ნივრის 5 მსხვილი კბილი, მარილი გემოვნებით ). " ნივრის კარაქი " წაუსვით პურზე ან მიიღეთ კარტოფილის პიურეში დამატებით.
სტატიის ავტორი: სულიკო ხეტეშვილი
სტატიის წყარო:ჯანმრთელობის საგანძური