უმკურნალეთ ცისტიტს სამკურნალო მცენარეებით! შედეგით ძალიან კმაყოფილი დარჩებით!

უმკურნალეთ ცისტიტს სამკურნალო მცენარეებით! შედეგით ძალიან კმაყოფილი დარჩებით!
ცისტიტი - შარდის ბუშტის ანთებაა. წარმოიქმნება შარდის ბუშტში ინფექციის შეჭრის დროს.
ცისტიტი ხასიათდება მტკივნეული, ხშირი შარდის გამოყოფით მცირე პორციებად. ტკივილი ხვადასხვანაირია ( მწვავე, ყრუ ), ძლიერდება შარდის გამოყოფის დროს. შესაძლებელია შარდში სისხლის არსებობაც. ზოგჯერ შეინიშნება ტემპერატურის მომატება, გულისრევა.
ცისტიტის მკურნალობა ოჯახურ პირობებში აუცილებლად უნდა ტარდებოდეს ექიმის მეთვალყურეობით; ამასთან, შეიძლება სასარგებლო გამოდგეს ქვემოთ მოტანილი რჩევები ძველი საოჯახო სამკურნალო წიგნებიდან ცისტიტით ავადმყოფთა მოვლის შესახებ, დაავადების გამწვავებისას:
მაღალი ტემპერატურის დროს ავადმყოფი უნდა იწვეს, გაუკეთდეს მას ფეხის თბილი აბაზანა ( 32 – 35 o C ), ხოლო მუცლის ქვემოთ დაედოს ცხელი საფენები. დიეტა - რძიანი და მცენარეული. რაც შეიძლება ბევრი უნდა სვას, მაგრამ ყველაფერი თბილი.
მწვავე ცისტიტის სამკურნალოდ ძველად წარმატებით იყენებდნენ შემდეგ პროცედურას: წითელი აგური გატეხეთ შუაზე, ორივე ნახევარი გაახურეთ ცეცხლზე. რათა კარგად გაცხელდეს და მოათავსეთ ისინი ცარიელ ვედროში . ვედროს ნაპირი დაფარეთ ნებისმიერი ქსოვილით, ტრუსი გაიხადეთ და დაჯექით ვედროზე, ქვედა ნაწილი შეიფუთნეთ პლედით; იჯექით ვედროზე მანამდე, ვიდრე აგურიდან სითბო ამოვა. ცხელ აგურზე შეგიძლიათ დაყაროთ წვრილად დაჭრილი ხახვი ( ხახვი კლავს ბაქტერიებს )
ამის შემდეგ ჩაიცვით თბილი საცვლები და ჩაცექით ლოგინში. 2 -3 პროცედურის შემდეგ ცისტიტი გაგივლით. ეს ხალხური საშუალება განსაკუთრებით კარგია ქალებისთვის.

სამკურნალო მცენარეები, რეკომენდებული ცისტიტისგან განსაკურნად.
კოთხუჯი. 1 ჩ/კ დაქუცმაცებულ ფესურას დაასხით ადუღებული წყალი, დააყენეთ 20 წთ, გაწურეთ. სვით ნახევარ - ნახევარი ჭიქა 4 -ჯერ დღეში ჭამამდე 30 წთ-ით ადრე. გამოიყენეთ საშარდე ბუშტის, თირკმელებისა და შარდსადენი გზების დაავადებისას.
წითელი მოცვი. 2 ჩ/კ ფოთლებს დაასხით 1 ჭიქა წყალი, ადუღეთ 15 წთ, გააცივეთ და გაწურეთ. სვით დღის განმავლობაში მცირე ყლუპებით ცისტიტის, ნეფრიტის დროს.
  • ცისტიტისა და პიელონეფრიტის დროს სასარგებლოა სვათ მწვანე ჩაი.
  • ცისტიტის სამკურნალოდ თქვენ დაგეხმარებათ ასეთი შემადგენლობა: დათუთქეთ ერთი მწიკვი ბალის ყუნწები ნახევარი ჭიქა მდუღარე წყალში და დააყენეთ 10 – 15 წთ. ნაყენი შეგიძლიათ სვათ როგორც მანამდე, ისე ჭამის შემდეგ. იმისათვის, რათა ანთება მოგეხსნათ . 5 დღე საკმარისია.
  • ცისტიტისაგან გადარჩებით რეცეპტით: ჩაყარეთ ერთი მუჭა ღიღილოს ( ნარცეცხლას ) გამხმარი ყვავილები მომინანქრებულ ტოლჩაში, დაასხით 300 მლ მდუღარე წყალი, მჭიდროდ დაახურეთ და შეფუთნეთ ნახევარი საათით, შემდეგ ნახევარი გაწურეთ და შესვით მცირე ყლუპებით საღამოს განმავლობაში. დილით შეითბეთ დარჩენილი ნახევარი, გაწურეთ და დალიეთ. შესაძლოა გეყოთ ერთი ჩაყრაც.
  • ცისტიტის დაავადების სამკურნალოდ ბავშვებისათვის გთავაზობთ მარტივ რეცეპტს, რომელიც მათ დაეხმარება:
    ბავშვის ღამის ქოთანში ჩაასხით ცოტაოდენი ცხელი წყალი, ოღონდ არა მდუღარე, ჩააწვეთეთ ქაფურის ზეთი და ფრთხილად დასვით მასზე ბავშვი. ქაფურის ორთქლი განკურნავს მას ცისტიტისაგან 3 – 5 ასეთი პროცედურის შემდეგ.

სტატიის ავტორი: სულიკო ხეტეშვილი
სტატიის წყარო:ჯანმრთელობის საგანძური