გოგრის ნაზი პუდინგი ვაშლითა და ქიშმიშით

შემოდგომის კიდევ ერთი ჰიტი გოგრისგან, რომელსაც დღეს fpaparazzi გთავაზობთ.

საჭირო მასალა:

• 200 გ გოგრა
  
• 100-150 გ ვაშლი
  
• 50 მლ უცხიმო რძე
  
• 1 კვერცხის ცილა
  
• 20 გ დაფქული შვრია
  
• 15-20 გ ქიშმიში
  
• დარიჩინი გემოვნებით
  

მომზადების წესი:

1. გოგრა და ვაშლი გაფცქვენით, ამოაჭერით გულსართი, დაჭერით კუბიკებად.
   
2. გოგრა მოათავსეთ ქვაბში და დაასხით რძე, თუშეთ დაბალ ცეცხლზე 10 წუთის განმავლობაში.
   
3. დაუმატეთ ვაშლი და კვლავ თუშეთ 10 წუთი.
   
4. დააბლენდერეთ მოხარშული გოგრა და ვაშლი, გააცივეთ, დაუმატეთ დაფქული შვრია, ქიშმიში და დარიჩინი.
   
5. ათქვიფეთ ცალკე კვერცხის ცილა და დაუმატეთ გოგრის მასას.
   
6. გადაიტანეთ გამოსაცხობ ფორმაში და აცხვეთ 180 გრადუსზე 30-40 წუთის განმავლობაში.
   

გემრიელად მიირთვით!