ბარდის უგემრიელესი კრემ-სუფი

fpaparazzi შემოდგომის გრილი დღეების გასათბობად და ვირუსების თავიდან ასაცილებლად სასარგებლო წვნიანის რეცეპტს გთავაზობთ.

საჭირო მასალა:

• ნედლი ბარდა 300 გ
  
• კარტოფილი 1ცალი
  
• ხახვი 1 თავი
  
• პიტნა ნახევარი კონა
  
• მარილი და პილპილი გემოვნებით
  
• ნაღები 10-20% ან რძე 50 გ
  

მომზადების წესი:

1. ბარდა გავარჩიოთ, გავრეცხოთ და საწურზე გადავიტანოთ.
   
2. ხახვი წვრილად, კარტოფილი კი კუბებად დავჭრათ.
   
3. ხახვი მოვშუშოთ ზეთში, დავაყაროთ კარტოფილი და გადაწურული ბარდა, განვაგრძოთ შუშვა, თან ვურიოთ.
   
4. შემდეგ დავასხათ ადუღებამდე მისული წყალი, ქვაბს თავზე დავახუროთ და საშუალო ცეცხლზე ვხარშოთ ბარდის სრულ მომზადებამდე.
   
5. წვნიანი გადავიტანოთ ბლენდერში ან ხელის ბლენდერით ქვაბშივე ავთქვიფოთ. უნდა მივიღოთ ერთგვაროვანი, ბლანტი კრემ-სუპი.
   
6. თუ კერძი ძალიან სქელია, შეგვიძლია დავუმატოთ ადუღებული წყალი და გავათხელოთ.
   
7. ბოლოს დავუმატოთ მარილი, წვრილად დაჭრილი ქინძი და პიტნა.
   

გემრიელად მიირთვით