ალუბლის სოუსით და ნაღების კრემით გაჯერებული ბლინის უნაზესი ტორტი

fpaparazzi გთავაზობთ დესერტის რეცეპტს, რომელიც ღირს მოამზადოთ და დაპატიჟოთ ახლობლები.
საჭირო მასალა:

• ბლინი 20 ცალი ფირფიტა
  
• ნაღები 35-40 %-იანი 300 გ
  
• შაქარი 300 გ
  
• ალუბალი გაყინული ან ცოცხალი
  

მომზადების წესი:

1. ათქვიფეთ ნაღები 200 გ შაქართან ერთად მკვრივი მასის მიღებამდე.
   
2. დაალაგეთ ლანგარზე ბლინის ფირფიტები სათითაოდ და წაუსვით ნაღების კრემი.
   
3. წაუსვით კრემი ყველა ფენას, ზემოდანაც და გვერდებზეც და შედგით მაცივარში 1 საათით.
   
4. სანამ ტორტი მაცივარში ცივდება, მოამზადეთ სოუსი.
   
5. უკურკო ალუბალს დააყარეთ 100 გ შაქარი და დააბლენდერეთ.
   
6. გადაიტანეთ მასა ქვაბში და ხარშეთ 30 წუთი დაბალ ცეცხლზე.
   
7. მოხადეთ ქაფი, როგორც მურაბას. გააცივეთ, შემდეგ კი მოასხით გაცივებულ ბლინის ტორტს.