ინსულტის სამკურნალოდ მიიღეთ ეს მართლაც უნიკალური საშუალება!

ინსულტის სამკურნალოდ მიიღეთ ეს მართლაც  უნიკალური საშუალება!
ინსულტს თავის ტვინში სისხლის მიმოქცევის დარღვევა იწვევს.მე ეს დაავადება მაღალი წნევის გამო დამემართა და თან სრულიად მოულოდნელად- ჯერ სახე დამიბუჟდა , მერე ხელ-ფეხი, ძლიერი თავის ტკივილი ვიგრძენი,თავბრუ დამესხა და მეტყველების უნარი დავკარგე. ინვალიდად დარჩენას ვერაფრით შევეგუებოდი, ამიტომ დავიწყე ბრძოლა გამოსაჯანმრთელებლად. რაღა თქმა უნდა ,ექიმების მიერ გამოწერილ წამლებს ვიღებდი და მათ რეკომენდაციებს ვასრულებდი, მაგრამ თავადაც ვეძებდი სამკურნალო საშუალებებს ხალხურ მედიცინაში. შემდეგ კი მართლაც გასაოცარი იყო, რადგან სწრაფი ტემპით აღმიდგა ყველა დარღვეული ფუნქცია და დღეს თავს იმაზე უკეთესადაც კი ვგრძნობ, ვიდრე ინსულტამდე ვიყავი.

გთავაზობთ რამდენიმე რეცეპტს:

  1. 10 გრ მუმიო გახსენით 1,5 ლ ანადუღარ, ოთახის ტემპერატურამდე შეგრილებულ წყალში, ჩაასხით ეს ხსნარი პლასტიკატის ბოთლში და შეუინახეთ მაცივარში. მუმიო ხელს უწყობს ტვინის დაზიანებული უბნის აღდგენას,ნაწიბურების გაწოვას. წამალი უნდა მიიღოთ 21 დღის განმავლობაში თითო ს/კ ორჯერ დღეში-დილით უზმოზე,ჭამამდე 30-40 წუთით ადრე და საღამოს დაძინებამდე 3 საათით ადრე. 21-დღიანი კურსის შემდეგ შეისვენეთ 5-7 დღე და ისევ განაახლეთ წამლის მიღება 21 დღე.ასე უნდა სვათ მუმიო 6 თვე მაინც.

  2. მუმიოს გამწოვ ეფექტს აძლიერებს ალოეს წვენი. ასევე, სწრაფად გაიწოვს ტვინში ჩაქცევასა და ნაწიბურებს კალანჰოესა და მრავალძარღვას წვენები. კალანჰოეს წვენი უნდა მიიღოთ 1ჩ/კ დღეში ერთხელ, მრავალძარღვასი- 2 ჩ/კ დღეში ერთხელ.

  3. ძალიან კარგია დიდგელის ნაყენიც.მუმიოს 21-დღიან კურსებს შორის შესვენებისას,თითო კვირის განმავლობაში, სწორედ დიდგელის ნაყენს ვიღებდი.

    ინსულტის შემდგომ პერიოდში ძალიან დიდი მნიშვნელობა აქვს ზურგის, ხელებისა და ფეხების კუნთების რგულარულ მასაჟს. თითო 10-წუთიანი სეანსი დღეში რამდენჯერმე უნდა გაკეთდეს.




ექიმის კომენტარი:

ინსულტი მართლაც საკმაოდ მძიმე პათოლოგიაა. მის გამომწვევ მიზეზებს შორის ყველაზე საშიშია ჰიპერტონია, ათეროსკლეროზი, ვეგეტო-სისხლძარღვოვანი დისტონია ( თავის ტვინის სისხლძარღვთა ტონუსის დარღვევა), სიგარეტი ( იგი აორმაგებს ინსულტის განვითარების რისკს , ჭარბი წონა, გულის დაავადებები ( უპირველეს ყოვლისა, მოციმციმე არითმია ), სისხლის დაავადებები.
ინსულტის შედეგი ტვინის ქსოვილთა ნეკოზია, რომელიც სისხლძარღვთა დაზიანების მიმდებარე არეში ვითარდება.მას დაზიანების კერის დანაწიბურება და შემკვრივება მოსდევს თან. კლინიკურად კი ეს კიდურების კუნთების პარეზით, წონასწორობის დარღვევით,მეხსიერების გაუარესებით , ძილის დარღვევით ვლინდება.ინსულტი იმითაცაა საშიში, რომ ხშირად სრულიად შეუმჩნევლად ვითარდება და მძიმე შედეგებით მთავრდება.
მუმიო, რომელსაც მთის ბალზამს უწოდებენ, რთული ქიმური შემადგენლობის წარმონაქმნია , მოიპოვება მსოფლიოს ზოგიერთ მთიან რაონში, მთის ნაპრალებში. მუმიო ორგანული და არაორგანული ნაერთების ნარევია, მოშავო-მოყავისფრო. მუმიოს მრავალმხრივი სამკურნალო ეფექტი დღესაც მეცნიერთა კვლევის საგანია. ხალხურ მედიცინაში იგი აღიარებული სამკურნალო საშუალებაა. აქვს ორგანიზმის დეტოქსიკაციური ( შხამებისგან გამწმენდი ), ანტიანთებითი, ბაქტერიოციდული თვისებები,არის ნაღველმდენი, ააქტიურებს იმუნურ და სისხლმბად სისტემებს,აუმჯობესებს ნივთიერებათა ცვლას, ასტიმულირებს რეგენერაციულ პროცესებს და ა.შ. იყენებენ ალერგიის, ასთმის, კუჭ-ნაწლავის დაავადებათა, სანაღვლე გზებისა და ღვიძლის პათოლოგიების, გლაუკომის,ჰიპერტონიის, დიაბეტის, რევმატიზმის, რადიკულიტის,ცისტიტის, თირკმლის დაავადებების , პროსტატის, სიმსუქნის, ჰემოროის, თრომბოფლებიტის,თავის ტვინის სხვადასხვა დაავადების სამკურნალოდ. უკუჩვენება არ გააჩნია. თუმცა უნდა გითხრათ, რომ ინსულტი იმდენად სერიოზული პათოლოგიაა, რომ დაუშვებელია ექიმის რეკომენდაციების შეიუსრულებლობა. ექიმის დანიშნულებასთან ერთად კი შეგიძლიათ მიიღოთ ეს უნიკალური საშუალებაც.
სტატიის წყარო:თამარ მამაცაშვილის წიგნი კარაბადინი