წყალი - სასწაულმოქმედი მკურნალი!

წყალი - სასწაულმოქმედი მკურნალი!
წყლის გამოყენება ჰიგიენურ- პროფილაქტიკური და სამკურნალო მიზნით შორეული წარსულიდან მომდინარეობს ( სირია,ბაბილონი,ძველი ეგვიპტე).არ გადავაჭარბებთ თუ ვიტყვით, რომ წყლით მკურნალობა ერთ-ერთ უძველეს სამკურნალო მეთოდს წარმოადგენს.ბავარიელი მღვდლის სებასტიან ქნეიპის ნაშრომი " ჩემი წყალმკურნალობა" - დაწერილი საუკუნეზე მეტი ხნის წინათ,მისსავე სიცოცხლეში სულ რაღაც 10 წლის მანძილზე 60-ჯერ გამოიცა,დღესაც აქტუალურია თავისი პრაქტიკული მნიშვნელობით და 113 დაავადების დასახელებას მოიცავს. ამ წიგნის ავტორი ტუბერკულოზისგან ყინულოვან დუნაიში ბანაობით განიკურნა. მდინარიდან ამოსული, იგი ტანს კი არ იმშრალებდა, პირდაპირ იცვამდა ტანსაცმელს და გათბობამდე ენერგიულად მორაობდა.
გთავაზობთ მის რეკომენდაციებს, თუ როგორ უნდა გაიკაჟოთ სხეული და განთავისუფლდეთ ზოგიერთი დაავადებისაგან.

თავის გასაკაჟებელი საშუალებანი შემდეგია: ფეხშიშველი სიარული სველ ბალახზე, სველ ქვებზე,ახალდათოვლილზე,ცივ წყალში; აგრეთვე ხელ-ფეხის, მუხლებისა და მთელი ტანის ცივი წყლით გაბანა.
თვითმკურნალობისთვის დიდი მნიშვნელობა აქვს დროის მონაკვეთს სხვადასხვა პროცედურის ჩასატარებლად. მაგალითად, დილით 12-18 გრადუსიანი ცივი წყლის გადავლება სისხლის მიმოქცევას ასტიმულირებს.ამის შემდეგ რეკომენდებულია კანის კარგად დაზელვა ცივი პირსახოცით.დღის პირველ ნახევარში კარგია ხელ-ფეხზე ცხელი წყლის გადავლება-ეს განსაკუთრებით ეფექტურია! ფეხები კოჭებამდე ჩადგით 38 გრადუსიანი ტემპერატურის წყალში 10 წუთით. ეს პროცედურა დაძაბულობას მოგიხსნით და შეაჩერებს ინფექციის განვითარებას.
ძლიერი გულისცემის დროს კარგია ცივი წყლის აბაზანები ხელებისათვის დღის მეორე ნახევარში.აავსეთ ჭურჭელი ცივი წყლით და ხელები იდაყვებამდე ჩაყავით შიგ 5 წუთით.
თუ ცუდად გძინავთ,გაწუხებთ თავის ტკივილები, კარგია წყალში სიარული. ეს შეგიძლიათ ჩვეულებრივ აბაზანაში გააკეთოთ; ჯერ ცივი წყალი იმდენი ჩაასხით, კოჭებამდე გწვდებოდეთ; მერე მოუმატეთ იქამდე, რომ კანჭებამდე მოგწვდეთ. ისე კი უკეთესია თუ მუხლამდე წყალში ივლით. თავიდან პროცედურა 1 წუთს უნდა გრძელდებოდეს, შემდეგ 5-6 წუთამდე. პროცედურის ბოლოს აუცილებელია მანამდე იმოძრაოთ,სანამ სხეული არ გაგითბებათ ისე, რომ გესიამოვნოთ.ზამთარში შეიძლება წყალს თოვლიც დაამატოთ-ეს გაკაჟებისათვის კარგია, მშვენივრად მოქმედებს თირკმელებზე,მნიშვნელოვად აუმჯობესებს სუნთქვას.
ხელების მასაჟი აკაჟებს გულს.დაიწყეთ წყლის გადასხმა ხელის მტევნის ხურგიდან, ადით მხრებამდე და ისევ უკან დაბრუნდიტ.შემდეგ გადაივლეთ ხელიგულზე.

მუცლის მასაჟი როგორც ცხელი,ასევე ცივი წყლით ამაგრებს ქსოვილის უჯრედებს. ამის შემდეგ გაიმშრალეთ პირსახოცით.

მხრებზე თბილი წყლის გადავლება ხსნის დაძაბულობას ზურგის მიდამოებში.

ფეხის აბაზანები განტვირთავს,ასვენებს ფეებს.რიგრიგობით ჩაყავით ფეხები ხუთ-ხუთი წუთით ჯერ ცხელ, შემდეგ კი ცივ წყალში.

კონტრასტული შხაპის რეგულარული მიღება აკაჟებს და ასტიმულირებს იმუნურ სისტემას.

მშრალი მასაჟი. მშრალი ქისით გახეხვა კარგია სისხლის მიმოქცევის სისტემის დარღვევის დროს.

წყალმკურნალობის საშუალებებად ს.ქნეიპი იყენებს: კომპრესებს, აბაზანებს, ორთქლის აბაზანებს, წყლის გადავლებას, გაბანას, შეფუთნას, წყლის სმას.
სტატიის ავტორი: სულიკო ხეტეშვილი
სტატიის წყარო:ჯანმრთელობის საგანძური