ვაშლის ფრანგული ღვეზელი „ტატენი“

ვაშლის ფრანგული ღვეზელი „ტატენი“
fpaparazzi გირჩევთ, აუცილებლად მოამზადოთ ეს მსუბუქი და საოცრად არომატული ვაშლის ნამცხვარი...
საჭირო მასალა:
  • კარაქი 120-125 გ
  • კვერცხის გული 2 ცალი
  • ფქვილი 1 ჭიქა
  • წყალი
  • მწიკვი მარილი
  • ვაშლი 1 კგ
  • თაფლი 2 ს/კ
  • დარიჩინი 1/2 ჩ/კ

მომზადება:
  1. ცომისთვის ხის ფიცარზე დაყარეთ ფქვილი, დაუმატეთ მწიკვი მარილი, მოათავსეთ ზედ კარაქი და ხელით ასრისეთ, სანამ არ მიიღებთ ფხვიერ ქვიშისებურ მასას.
  2. შემდეგ დაუამტეთ კვერცხის გული და მოზილეთ ცომი, თან ნელ-ნელა უმატეთ წყალი, რათა მიიღოთ ერთგვაროვანი, შეკრული მასა.
  3. მზა ცომში შესაძლოა იგრძნობოდეს კარაქის კორკოშელები, ეს პრობლემა არ არის. შეახვიეთ ცომი ცელოფანში და მოათავსეთ მაცივარში 30 წუთით ან 1 საათით.
  4. გულსართისთვის: ვაშლი გაფცქვენით, დაჭერით 4-6 ნაჭრად და მოასხით ლიმონის წვენი, რათა არ გაშავდეს.
  5. ტაფაზე, რომელზეც შემდეგ ღვეზელეს გამოაცხობთ, დაასხით 2 ს/კ თაფლი, დადგით ცეცხლზე და მიიყვანეთ ადუღებამდე (ძლიერად უნდა ამოქაფდეს) და დაუმატეთ დაფქული დარიჩინი. კარგად აურიეთ.
  6. შემდეგ თაფლში მჭიდროდ ჩაალაგეთ ვაშლის ნაჭრები და დადგით დაბალ ცეცხლზე, სანამ ცომს გააბრტყელებთ. თავსახურს ნუ დააფარებთ.
  7. გააბრტყელეთ სწრაფად ცომი, რათა ვაშლი არ დაგეწვათ, არამედ კარამელის სახე მიიღოს. გადაახვიეთ ცომი გასაბრტყელებელზე და პირდაპირ ცხელ ტაფაზე, ვაშლებს დააფინეთ, შეუკეცეთ ფრთხილად კიდეები, ჩაჩხვლიტეთ ზემოდან ჩანგლით (ეს აუცილებელია!).
  8. შედგით 180 გრადუსზე გახურებულ ღუმელში და აცხვეთ დაახლოებით 30 წუთი.
  9. როცა ტატენი გამოცხვება - გამოიღეთ ღმელიდან, დააფარეთ ტაფას განიერი ლანგარი და გადმოაბრუნეთ.

გემრიელად მიირთვით!