ნაზი, ძალიან მარტივი და უგემრიელესი კარტოფილის ბლინები

fpaparazzi გთავაზობთ, შეავსოთ თქვენი რეცეპტების კოლექცია ამ უგემრიელესი ბლინებით – ისინი თქვენი ფავორიტი გახდება!
საჭირო მასალა:

• 5 საშუალო ზომის კარტოფილი
  
• 250 მლ რძე
  
• 250 გ ფქვილი
  
• 3 კბილი ნიორი
  
• 3 კვერცხი
  
• 1 ს/კ შაქარი
  
• 5 ს/კ ზეთი (გაყავით 3 და 2 სუფრის კოვზებად)
  
• მარილი გემოვნებით
  
• მწვანილი გემოვნებით
  

მომზადების წესი:

1. დაასხით გაფცქვნილ და გარეცხილ კარტოფილს იმდენი წყალი, რომ დაფაროს ნაყოფი, მოაყარეთ მარილი და მოხარშეთ.
   
2. მოხარშული კარტოფილი თავისი ნახარშიანად გადაიტანეთ ბლენდერში და ათქვიფეთ.
   
3. დაუმატეთ პიურეს ცხელი რძე და დაჭყლეტილი ნიორი, კვერცხი, ფქვილი, რძე, 2 ს/კ ზეთი და მარილი.
   
4. ყველაფერი ერთად კარგად დააბლენდერეთ და გააჩერეთ მიღებული მასა დაახლოებით 30 წუთი.
   
5. ბლინები გამოაცხვეთ ცხელ, ზეთმოსხმულ ტაფაზე ორივე მხრიდან, შეგიძლიათ მოაყაროთ მწვანილი.
   
6. მზა ბლინებს შეგიძლიათ გაუკეთოთ სასურველი გულსართი, მოსასხმელი, ან მიირთვათ ისე.