ოლადები ხაჭაპურის სტილში

fpaparazzi გთავაზობთ მარტივ, გემრიელ და ნოყიერი საუზმის რეცეპტს, რომელიც ისე მოგეწონებათ, ძალიან ხშირად მოამზადებთ.
საჭირო მასალა:
ცომისთვის:

• 200 გ ხაჭო
  
• 2 კვერცხი
  
• 150 მლ კეფირი ან მაწონი
  
• 0,5 ჩ/კ მარილი
  
• 0,5 ჩ/კ სოდა
  
• 3-4 ს/კ ფქვილი
  

გულსართისთვის:

• 150 გ ნახევრადმაგარი ყველი
  
• 2 ს/კ არაჟანი
  
• 2 კბილი ნიორი
  
• ერთი კონა კამა
  

მომზადების წესი:

1. ცომისთვის: ხაჭო აურიეთ კვერცხთან ერთად, დაუმატეთ თბილი კეფირი, სოდა, მარილი და ფქვილი. უნდა მიიღოთ სქელი ცომი.
   
2. გულსართისთვის: გახეხეთ ყველი წვრილ სახეხზე. დაუმატეთ წვრილად დაჭრილი ნიორი და კამა, რამდენიმე კოვზი არაჟანი და კარგად აურიეთ.
   
3. დაიწყეთ ოლადების ცხობა.
   
4. კარგად გაახურეთ ტაფა, დაასხით ზეთი. დადეთ კოვზით ცომი (ის მოცულობაში ცხობისას მოიმატებს, ამიტომაც შორ-შორს დადეთ).
   
5. გულსართით გააკეთეთ ოლადის ფორმა და დაადეთ ცომს.
   
6. გულსართზე კი მოათავსეთ ცომის თხელი ფენა.
   
7. შეწვით ოლადები ორივე მხრიდან.
   
8. მიირთვით ცხელ-ცხელი! ძალიან უხდება ბოსტნეულის სალათს.