სუპერფუმფულა ოლადების ოქროს რეცეპტი
fpaparazzi გთავაზობთ ოლადების რეცეპტს, რომელიც აუცილებლად უნდა ჩაინიშნოთ და ოლადები მხოლოდ ამ რეცეპტით მოამზადოთ. სუპერფუმფულა გამოდის!
საჭირო მასალა:
მომზადების წესი:
საჭირო მასალა:
- კვერცხი 5 ცალი
- ფქვილი 60 გ
- შაქარი 70 გ
- გამაფხვიერებელი 2 გ
- ვანილის ექსტრაქტი 1 ჩ/კ
- მწიკვი მარილი
მომზადების წესი:
- 5 კვერცხის გული ათქვიფეთ 40 გ შაქართან, მარილთან, გამაფხვიერებელთან და ვანილის ექსტრაქტთან ერთად. დაუმატეთ მასას ფქვილი.
- ცალკე ათქვიფეთ 4 კვერცხის ცილა 30 გ შაქართან ერთად ღრუბელივით მასის მიღებამდე.
- შეურიეთ კვერცხის გულის მასას ათქვეფილი ბეზე.
- გაახურეთ ტაფა და დადეთ მასზე კოვზით ცომი, დააფარეთ თავსახური 2 წუთით.
- შემდეგ ახადეთ თავსახური, დაამატეთ კიდევ ცოტაოდენი ცომი თითოეულ ოლადს, გადააბრუნეთ მეორე მხარეს და დაბრაწეთ ორივე მხრიდან.
- სასურველია ეს ოლადები მშრალ ტაფაზე გამოაცხოთ, მაგრამ თუკი ცომი მაინც ეკვრის ტაფას, შეგიძლიათ დაუმატოთ სულ ცოტაოდენი ზეთი შეწვისას.
- ამ შემთხვევაში გამომცხვარი ოლადები ჯერ ქაღალდის ხელსახოცზე გადმოიღეთ, რათა ზედმეტი ცხიმი მოშორდეს.
- მიირთვით ოლადები ცხელ-ცხელი სასურველ მოსასხმელთან ერთად.