ვაშლის ღვეზელი ნაზი სოუსით

მოამზადეთ fpaparazzi-ს რჩევით ვაშლის ღვეზელი თხელი, ფხვიერი ცომით, ვაშლის დიდი ნაჭრებითა და სუფლეთი.
ინგრედიენტები:
ცომისთვის:

• ფქვილი – 2,5 ჭიქა
  
• შაქარი 2 ს/კ
  
• კვერცხი 1 ცალი
  
• დარბილებული კარაქი – 300 გ
  

გულსართისთვის:

• ვაშლი 4 ცალი
  
• არაჟანი 1 ჭიქა
  
• შაქარი 1 ჭიქა
  
• კვერცხი 2 ცალი
  

მომზადების წესი:

1. კარაქი აკეპეთ ფქვილში, დაუმატეთ შაქარი და კვერცხი.
   
2. მოზილეთ ცომი, გააკეთეთ გუნდა, შეფუთეთ ცელოფანში და შედგით ნახევარი საათით მაცივარში.
   
3. ამასობაში გაფცქვენით ვაშლი, გამოაცალეთ გულები, გაჭერით ოთხ ნაწილად და თითოეული ნაჭერი დანით დასერეთ ბადისებურად.
   
4. მოამზადეთ სოუსი – ათქვიფეთ კვერცხი და შაქარი გათეთრებამდე, დაუმატეთ არაჟანი და კიდევ კარგად ათქვიფეთ.
   
5. ცომი გააბრტყელეთ, გადაიტანეთ კარაქწასმულ და ფქვილმოყრილ მაღალკიდეებიან ფორმაში, მოაჭერით ზედმეტი გვერდები.
   
6. დაალაგეთ ცომზე ვაშლის ნაჭრები და მოასხით არაჟნის სოუსი.
   
7. აცხვეთ 30-35 წუთი 180 გრადუსზე გახურებულ ღუმელში.