ქათმის რულეტის ყველაზე მარტივი რეცეპტი
ქათმის რულეტის მომზადება სხვადასხვა გულსართით შეგიძლიათ, თუმცა, fpaparazzi-მა უნივერსალური რეცეპტი მოგიმზადეთ, რომელიც, ვფიქრობთ, მოგეწონებათ.
საჭირო მასალა:
მომზადების წესი:
გემრიელად მიირთვით!
საჭირო მასალა:
- 8 ცალი ქათმის ფილე (დაახლოებით 1,3-1,5 კგ)
- 200 გ ყველი;
- 4 კბილი ნიორი
- 150 გ მწვანილი (ოხრახუში, კამა, ნიახური, ქინძი)
- 100 გ კარაქი;
- 50 გ მაიონეზი;
- 60 გ ზეთი;
- მარილი და პილპილი გემოვნებით
მომზადების წესი:
- გულსართისთვის: გახეხეთ სახეხზე ნახევარი ყველი, შეურიეთ წვრილად დაჭრილი მწვანილი, დაჭყლეტილი ნიორი და კარაქი. მოაყარეთ მარილი.
- დაბეგვეთ ქათმის ფილე, მოაყარეთ მარილი და პილპილი გემოვნებით.
- დაბეგვილი ფილეს ნაპირას დადეთ გულსართი და გადაახვიეთ რულეტივით. შეწვით ზეთში რამდენიმე წუთი ორივე მხრიდან.
- წაუსვით ფილეს ზემოდან მაიონეზი, მოაყარეთ დარჩენილი ყველი და შედგით 150 გრადუსზე გახურებულ ღუმელში დაახლოებით 10 წუთი.
- კერძის მორთვა შეგიძლიათ ჩერის პამიდვრით ან ბულგარული წიწაკით. სუფრასთან მიიტანეთ მაკარონთან ან კარტოფილთან ერთად.
გემრიელად მიირთვით!