ქათმის რულეტის ყველაზე მარტივი რეცეპტი – დაუვიწყარი გემო

ქათმის რულეტის მომზადება სხვადასხვა გულსართით შეგიძლიათ, თუმცა, fpaparazzi-მა უნივერსალური რეცეპტი მოგიმზადათ, რომელიც, ვფიქრობთ, ბევრს მოეწონება.
საჭირო მასალა:

• 8 ცალი ქათმის ფილე (დაახლოებით 1,3-1,5 კგ)
  
• 200 გ ყველი;
  
• 4 კბილი ნიორი
  
• 150 გ მწვანილი (ოხრახუში, კამა, ნიახური, ქინძი)
  
• 100 გ კარაქი;
  
• 50 გ მაიონეზი;
  
• 60 მლ ზეთი;
  
• მარილი და პილპილი გემოვნებით
  

მომზადება:
გულსართისთვის: გახეხეთ სახეხზე ნახევარი ყველი, შეურიეთ წვრილად დაჭრილი მწვანილი, დაჭყლეტილი ნიორი და კარაქი. მოაყარეთ მარილი.
დაბეგვეთ ქათმის ფილე, მოაყარეთ მარილი და პილპილი გემოვნებით.
დაბეგვილი ფილეს ნაპირას დადეთ გულსართი და გადაახვიეთ რულეტივით. შეწვით ზეთში რამდენიმე წუთი ორივე მხრიდან.
წაუსვით ფილეს ზემოდან მაიონეზი, მოაყარეთ დარჩენილი ყველი და შედგით 150 გრადუსზე გახურებულ ღუმელში დაახლოებით 10 წუთი.
კერძის მორთვა შეგიძლიათ ჩერის პამიდვრით ან ბულგარული წიწაკით. სუფრასთან მიიტანეთ მაკარონთან ან კარტოფილთან ერთად.