მკერდის სიმსივნის 10 გავრცელებული სიმპტომი, რომლის იგნორირებაც არ შეიძლება!

ადამიანების უმრავლესობა საერთოდ არ აქცევს ყურადღებას იმ სიგნალებს, რომელთაც ჩვენი ორგანიზმი გვიგზავნის...

რა თქმა უნდა, ამ დროს პანიკაში ჩავარდნა არ ღირს, თუმცა თავის დაზღვევის მიზნით აუცილებელია ექიმთან კონსულტაციის გავლა და პრობლემის დროულად გამოვლინება, რათა მომავალში ის სერიოზულ დაავადებად არ ჩამოყალიბდეს.

მკერდის სიმსივნის შემთხვევაში, რომლის შესახებაც დღეს დეტალურად მოგითხრობთ ''Fpaparazzi''-ის რედაქცია, ექიმები შემდეგ რამეს ამბობენ: პრობლემის დროული დიაგნოსტიკა ერთადერთი გამოსავალია მომავალში გართულებების თავიდან ასარიდებლად.

გამომდინარე იქიდან, რომ ორგანიზმის მიერ გამოგზავნილი სიგნალების შესახებ არაფერი ვიცით და მათი გაშიფვრის უნარი არ გვაქვს, როგორც წესი, პრობლემას ადრეულ სტადიაზე ვერ ვავლენთ, რასაც სავალალო შედეგებამდე მივყავართ.

სწორედ ამიტომ, ძალზედ მნიშვნელოვანია ვიცოდეთ მკერდის სიმსივნის 10 ადრეული სიმპტომის შესახებ.

მაშ ასე:

წონის აუხსნელი კლება

უამრავ ქალბატონს ეს ეფექტი შეიძლება ნამდვილ სასწაულად მოეჩვენოს, რადგან ისინი საკმაოდ დიდი ხანი ოცნებობდნენ ზემდეტი კილოგრამების მოშორებაზე, თუმცა რეალობა რადიკალურად განსხვავებულია! იმ შემთხვევაში, თუ თქვენ ყოველგვარი მიზეზის გარეშე ხანმოკლე დროში წონა მკვეთრად დაიკელით (5 კგ და მეტი), აუცილებლად მიმართეთ ექიმს, რადგან ეს მკერდის სიმსივნის ერთ-ერთი ყველაზე გავრცელებული სიმპტომია.

დაღლილობა

დაიღალეთ რთული სამუშაო დღის შემდეგ? ეს ორგანიზმის აბსოლიტურად ნორმალური რეაქცაა!

თუმცა იმ შემთხვევაში, თუ დაღლილობამ ქრონიკული სახე მიიღო, აუცილებლად მიმართეთ ექიმს დახმარებისთვის! ქრონიკული დაღლილობა პირდაპირკავშირშია მკერდის სიმსივნესთან.

ანომალური სისხლდენა

მენტრუაციის ფარგლებს გარეთ ნებისმიერი სახის სისხლდენა საგანგაშო სიგნალია, რომელსაც თქვენი ორგანიზმი გაწვდით. სავსებით შესაძლებელია ის მკერდის სიმსივნეზე ან სხვა სერიოზულ დაავადებაზე მიგვითითებდეს.

ადამიანებს, რომელთაც მკერდის სიმსივნე უნვითარდებათ, სავსებით შესაძლებელია აღენიშნებოდეთ სისხლიანი გამონადენი ძუძუს თავებიდან.

კანის ცვლილებები

მკერდის კანმა ასევე შეიძლება გამოგვიგზავნოს საგანგაშო სიგნალი მკერდის სიმსივნის განვითარების დროს. მნიშვნელოვანია ყურადღება მიაქციოთ შემდეგ მოვლენებს:

• შეწითლება;
  
• წყლულების წარმოქმნა;
  
• ფერის ცვლილება;
  
• ცელულიტების გაჩენა;
  

ძუძუს თავის დეფორმირება

მკერდის დათვალიერების დროს დაუთმეთ დიდი ყურადღება ძუძუს თავებს, რადგან მათი ფორმის ცვლილება სარძევე ჯირკვლების სიმსივნის ერთ-ერთი ყველაზე გავრცელებული სიმპტომია.

ტკივილი მკერდის არეში

ეს სიმპტომი შედარებით მოგვიანებით, სიმსივნის უფრო განვითარებულ სტადიაზე იჩენს თავს, რადგან ამ დროს კანი ზედმეტად მგრძნობიარე ხდება და პატარა შეხებაც კი საკმარისია აუტანელი ტკივილის განსაცდელად.

რა თქმა უნდა, მსგავსი ტკივილი არ უნდა აგვერიოს პრემენსტრუაციულ სინდრომში ან სხვა ისეთ ინფექციურ დაავადებაში, როგორიც მასტიტია.

მკერდის ზომის ცვლილება

მკერდის ზომის ცვლილებით ასევე შეგვიძლია ადრეულ სტადიაზე გამოვავლინოთ სარძევე ჯირკვლების სიმსივნე. სწორედ ამიტომ, თუ სრულიად მოულოდნელად მკერდი გაიზარდა, არ დაკარგოთ დრო, დაუყონებლივ მიმართეთ ექიმს!

გამონადენი ძუძუს თავებიდან

ხანდახან გამონადენი მკერდიდან აბსოლიტურად ნორმალური მოვლენაა და ის რამდენიმე დღეში უკვალოდ ქრება, თუმცა, როგორც წესი, ეს მკერდის სიმსივნის განვითარების ერთ-ერთი ადრეული სიმპტომია. იმ ქალბატონების გამონადენს, რომელთაც მკერდის სიმსივნის დიაგნოზი დაუსვეს, უსიამოვნო სუნი ახლავს თან.

უჩვეულო ცვლილებები

თუ თქვენ ამჩნევთ, რომ მკერდის ფორმა შეგეცვალათ, არ გადადოთ ექიმთან ვიზიტი, რადგან ეს მოვლენა მკერდის სიმსივნის ადრეული სიმპტომია. ავთვისებიანი წამონაზარდის დროს ხშირად იჩენს თავს შეწითლება, ჩაღრმავებები და მკერდის სხვა დეფორმაციები.

რომელი ტიპის ადამიანები იმყოფებიან მკერდის სიმსივნის განვითარების რისკის ქვეშ?

უმეტეს შემთხვევაში მკერდის სიმსივნით ქალბატონები ავადდებიან, თუმცა სავსებით მოსალოდნელია ამ პრობლემამ მამაკაცებშიც იჩინოს თავი. სიმსივნის განვითარების რისკის ქვეშ იმყოფებიან:

• 55 წელს გადაცილებული ქალბატონები.
  
• ადამიანები, რომელთა სისხლით ნათესავებს ეს პრობლემა აღენიშნებათ ან აღენიშნებოდათ.
  
• ქალბატონები, რომელთაც მენსტრუაციული ციკლი 12 წლამდე დაეწყოთ.
  
• ქალბატონები, რომელთაც დაგვიანებული ან პირიქით - ნაადრევი კლიმაქსი აღენიშნებათ.
  
• ადამიანები, რომელთაც წონა საგრძნობლად მოიმატეს.
  
• ქალბატონები, რომელთაც შვილები არ ჰყავთ.
  

იზრუნეთ საკუთარ მეგობრებზეც და არ დაგავიწყდეთ ამ სტატიის მეგობრებისთვის გაზიარება!