სელის ზეთის სასარგებლო თვისებები


ომეგა-3 და ომეგა-6-ის მაღალი შემცველობის გამო, სელის ზეთი ხელს უწყობს ორგანიზმში ნივთიერებათა ცვლის პროცესებს და აქვს შემდეგი სასარგებლო თვისებები:

სელის ზეთი და დაავადებები
სელის ზეთის რეგულარული გამოყენება კვების რაციონში ხელს უწყობს ქოლესტერინის დონის, ასევე სისხლის წებვადობის შემცირებას, აუმჯობესებს სისხლძარღვების ელასტიკურობას, საბოლოოდ ხელს უშლის მიოკარდიუმის ინფარქტის, ათეროსკლეროზის, გულის იშემიური დაავადებების განვითარებას, ამცირებს ინსულტისა და თრომბების წარმოქმნის რისკს. გარდა ამისა, სელის თესლის ზეთი არეგულირებს საჭმლის მომნელებელი სისტემის მუშაობას – აუმჯობესებს ღვიძლის ფუნქციას, ხელს უწყობს კოლიტის, გასტრიტის მკურნალობას, ხსნის შეკრულობას, გულძმარვას, აქვს ანტიჰელმინთური მოქმედება.

სელის თესლის ნატურალურმა ზეთმა ფართო გამოყენება ჰპოვა ფილტვებისა და ბრონქების დაავადებების კომპლექსურ მკურნალობასა და პროფილაქტიკაში, ასევე ნერვული სისტემის, თირკმელებისა და შარდის ბუშტის, ფარისებრი ჯირკვლის დაავადებებისას, მამაკაცებში პოტენციის დარღვევების დროს.

სელის ზეთი და იმუნიტეტი
სელის ზეთი განსაკუთრებით ეფექტურად მოქმედებს იმუნიტეტზე: მისი მიღება, როგორც საკვები პროდუქტი, ხელს უშლის ზოგიერთი ონკოლოგიური დაავადების განვითარებას (სარძევე ჯირკვლისა და სწორი ნაწლავის კიბო). სელის თესლის ზეთის მიღება რეკომენდებულია ოპერაციების შემდგომ პერიოდში და დასუსტებულ ავადმყოფებში, რეაბილიტაცის დროს.

სელის ზეთის გამოყენება ქალებსა და ბავშვებში
სელის ზეთის რეგულარული მიღება რეკომენდირებულია ბავშვებში ორგანიზმის სრულყოფილი გავითარებისთვის. სელის თესლის ზეთი განსაკუთრებით მნიშვნელოვანი პროდუქტია ქალის ორგანიზმისათვის. ეს ზეთი აუცილებელად უნდა შედიოდეს ორსულთა რაციონში, ვინაიდან მისი კომპონენტები დადებითად მოქმედებენ ბავშვის თავის ტვინის განვითარებაზე; სელის ზეთი ამუბუქებს ორსულობის პერიოდს და მშობიარობას.

სელის თესლის ზეთის ყოველდღიური მოხმარება აწესრიგებს ჰორმონულ ფონს, ამსუბუქებს წინამენსტურალურ სინდორმს და აუმჯობესებს ზოგად მდგომარეობას კლიმაქსის დროს.

სელის ზეთი და ჭარბი წონა
დიეტოლოგები მივიდნენ დასკვნამდე, რომ ადამიანს შეუძლია ეფექტურად დაიკლოს წონაში, თუკი ცხოველური წარმოშობის ცხიმებს ნაწილობრივ ჩაანცვლებს ადვილად ათვისებადი საკვები სელის ზეთით. სელის თესლის ზეთი მნიშვნელოვანი კომპონენტია ვეგეტარიანთათვის, რომლებიც არ ღებულობენ თევზს.

სელის ზეთი და თავის ტვინი
ტვინის უჯრედების 60% შედგება ცხიმებისაგან და ეს ბევრად მაღალი კონცენტრაციაა, ვიდრე სხვა სხეულის ნაწილებში. ირონია იმაში მდგომარეობს რომ, ბევრმა პრაქტიკულად ეს არ იცის და მუდმივად ესწრაფვიან დიეტიდან ცხიმების სრულად ამოღებისაკენ. თუმცა, კვებით რაიცონში საჭირო რაოდენობის ცხიმების არსებობა სასიცოცხლიდ აუცილებელია თავის ტვინის განვითარებისა და მისი ნორმალური ფუნქციონირებისათვის.

სელის ზეთი კოსმეტოლოგიაში
თანამედროვე კოსმეტოლოგიაში სელის ზეთს იყენებენ სახისა და თმის ნიღბების დასამზადებლად, მის შემადგენლობაში შემავალი ვიტამინების მაღალი შემცველობისა და გამაახალგაზრდავებელი, დამარბილებელი, ბაქტერიოციდული თვისებების გამო.

სელის ზეთის შენახვა
სამკურნალო თვისებების შესანარჩუნებლად, აუცილებელია სელის ზეთი შეინახოთ მჭიდროდ დახურულ ჭურჭელში, გრილ ადგილას; არ შეიძლება მისი თერმულად დამუშავება. შენახვის ვადა 1 წელია.

თაფლის სასარგებლო თვისებები

ხანგრძლივი დროის განმავლობაში თაფლი იხმარებოდა როგორც ჩვეულებრივი ტკბილი საკვები. მხოლოდ მას შემდეგ, რაც გავრცელდა უფრო იაფი შაქარი, თაფლი გახდა სამკურნალო პროდუქტი.

თაფლში შემავალ ნივთიერებებს გააჩნია ძლიერი ანთების საწინააღმდეგო, ობის საწინააღმდეგო და ბაქტერიოციდური თვისებები, ანუ თაფლი ანადგურებს დაავადების გამომწვევ მიკროორგანიზმებს და აფერხებს მათ გამრავლებას.

დიდი სამამულო ომის დროს თაფლი გამოიყენებოდა როგორც გარეგანი საშუალება ჭრილობების შესახორცებლად, კანის ჩირქოვანი დაავადებების და ფურუნკულების სამკურნალოდ.

თაფლის ბიოგენური სტიმულატორები ამაღლებენ ორგანიზმის ცხოველქმედებას. თაფლის მიღებისას მატულობს ორგანიზმის დაავადებების მიმართ წინააღმდეგობის უნარი, ძლიერდება გულ-სისხლძარღვთა სისტემა, კლებულობს კუჭის წვენის სიმჟავიანობა.

თაფლს გააჩნია ძლიერი ტკივილგამაყუჩებელი მოქმედება.

თაფლი აუმჯობესებს ნერვული უჯრედების კვებას და აძლიერებს მათ ფუნქციონირებას, ააქტიურებს ჟანგვით პროცესებს.

თაფლის, მავნე ნივთიერებების გამანეიტრალებელი მოქმედების შედეგადუმჯობესდება ძილი, კლებულობს გაღიზიანება, მატულობს შრომისუნარიანობა.

თაფლის მიღება ხელს უწყობს ჰემოგლობენის მომატებას, ამიტომ განსაკუთრებით სასარგებლოა ანემიების, გულ-სისხლძარღვთა სისტემის დაავადებებისა და ავადმყოფობის შედეგად ორგანიზმის დასუსტებისას.

აღწერილია თაფლის დამამშვიდებელი მოქმედება ფსიქიური დარღვევებისას.

თაფლი არბილებს ლორწოვან გარსებს და ამიტომ რეკომენდირებულია ხველებისას.

არსებობს აზრი, რომ დღის განმავლობაში თაფლის მიღება იწვევს ოფლიანობას, თუმცა ეს მოსაზრება არ დასტურდება. თაფლი მართლაც აძლიერებს ოფლის გამოყოფას მხოლოდ ცხელ ჩაისთან ან რძესთან ერთად ავადმყოფობის დროს. აღსანიშნავია, რომ ნებისმიერი სიცხის დამწევი წამალი ოფლის გამოყოფის და სიცხის დამწევ ეფექტს ახდენს მხოლოდ ავადმყოფობის დროს და არ ამჟღავნებს მსგავს ეფექტს სხეულის ნორმალური ტემპერატურისას.

თაფლის ფართოდ გამოყენება სასურველია ჯანმრთელობის შენარჩუნების, დაავადებების პროფილაქტიკის და სიცოცხლის გახანგრძლივების მიზნით.

კლინიკური დაკვირვებებით დადასტურდა, რომ თაფლის სისტემატური მიღება არა მხოლოდ არ სწევს შაქრის დონეს სისხლში, არამედ, აღინიშნება მისი დაწევის ტენდენცია. ამის მიუხედავად, დიაბეტით დაავადებულთათვის თაფლის მიღება შესაძლებელია მხოლოდ მკაცრი კონტროლის ქვეშ, მკურნალ ექიმთან შეთანხმებით.

ასაკობრივი ცვლილებების პროფილაქტიკისათვის მნიშვნელოვანია თაფლისზემოქმედება ლიპიდურ (ცხიმოვან) ცვლაზე. ყოველდღიურად 150გრ. თაფლის მიღებისას სისხლის შრატში მცირდება ქოლესტერინის დონე.