კისრის ტკივილებს მარტივად მოიხსნით თუ სპეციალისტების რჩევებს გაითვალისწინებთ

კისრის ტკივილი შეიძლება წარმოიქმნას სხვადასხვა მიზეზის გამო. მათ შორის მთავარია: სამუშაო დღის განმავლობაში კისრის უხერხული მდგომარეობა, არასწორი ტანდეგობა, როდესაც ადამიანი მუდმივად თავჩამოშვებული დადის.
სპეციალისტები ურჩევენ მთელ რიგ მეთოდებს, რომელთა დახმარებითაც შეიძლება შეამციროთ ტკივილი კისრის მიდამოში ან საერთოდ განთავისფულდეთ მისგან:

• გამახურებელი დაზელვები. ისინი იწვევენ კისრის მიდამოში სისხლის მოზღვავებას და ამცირებენ ან ხსნიან ტკივილებს;
  
  
• ცხელი შხაპი, სათბურა, სოლუქსი და საერთოდ ნებისმიერი სითბო აწყნარებს ტკივილს კისრის მიდამოში;
  
  
• კისრის მიდამოში დაჟეჟილობის ან დარტყმის დროს ტკივილის შესამცირებლად საჭიროა დარტყმის ადგილზე ყინულის დადება ( გააჩერეთ 2 - 3 წუთი ).
  
  
• ზოგჯერ კისრის ტკივილები მცირდება, როდესაც ადამიანს სძინავს მაგარ ლეიბზე ბალიშის გარეშე;
  
  
• მუშაობთ რა მანქანასთან, ეცადეთ დაიჭიროთ თავი სწორად, დროდადრო გააკეთეთ კისრის წრიული მოძრაობები. ასევე შეგიძლიათ მოიქცეთ კომპიუტერთან მუშაობის დროსაც ასეთ შემთხვევაში უნდა ეცადოთ, რომ ეკრანი თქვენი თვალის დონეზე მდებარეობდეს;
  
  
• თუ თქვენ გტკივათ კისერი, მაშინ ქუჩაში გასვლის დროს აუცილებლად მოიხვიეთ კაშნე, რადგან სიცივისგან ტკივილები ძლიერდება;
  
  
• ისწავლეთ მოდუნება, ამაში თქვენ დაგეხმარებათ მოსადუნებელი ვარჯიშები;
  
  
• არ დაივიწყოთ იმის შესახებ, რომ თქვენი თავი იწონის 3,5 კგ - ს და ასეთი წონით კისერი იღლება. ამიტომ, თუ თქვენ გაქვთ მჯდომარე სამუშაო, დროდადრო ადექით და იარეთ.
  

ტკივილისგან თავის დასაღწევად შეიძლება გააკეთოთ რამდენიმე უბრალო ფიზიკური ვარჯიში:

• თავის დახრები წინ და უკან. დახრები კეთდება ძალდატანებით და მაქსიმალური ამპლიტუდით;
  
• თავის ტრიალი სხვადასხვა მხარეს (ბოლომდე );
  
• დაიდეთ ხელისგული თავის ერთ მხარეს და დააწექით, რაც შეიძლება ძლიერად. ვარჯიში კეთდება ხან ერთი, ხან მეორე მხარეს;
  
• აიღეთ ხელში 2 - 3 კგ წონის ტვირთი. გაიშვირეთ ხელები წინ და აიჩეჩეთ მხრები. ვარჯიში შეასრულეთ 12 - 15 - ჯერ.