აბუსალათინის ზეთი თქვენი ყვავილებისთვის

აბუსალათინის ზეთი თქვენი ყვავილებისთვის
ბოლოს როდის იყო თქვენი ოთახის ყვავილი ისეთი ბუნებრივი და ლამაზი ,როგორიცაა ყვავილები ამ სურათზე? ალბათ არც კი გახსოვთ. მეც მსგავსი პრობლემა მქონდა, მეგონა რომ კარგად ვუვლიდი ყვავილს, მაგრამ შედეგს ვერ ვხედავდი.

ცოტა ხნის წინ ვესტუმრე ჩემს მეგობარს, რომელთანაც ყვავილები ნამდვილად ყურადღებას იქცევდნენ. აღმოჩნდა, რომ არსებობს პატარა საიდუმლო. იმისთვის ,რომ თქვენი ყვავილი გამოიყურებოდეს მდიდრულად და დიდი ხნის განმავლობაში იყვავილოს საკმარისია გამოვიყენოთ ეს ნარევი. საიდუმლო მარტივი და ხელმისაწვდომია ყველასთვის. გაგიზიარებთ ამ საიდუმლოს, რათა დატკბეთ თქვენივე ყვავილებით.

იმისთვის, რომ მცენარეებმა ყვავილობა გაიხანგრძლივონ და მათი ყვავილებიც უფრო მდიდრულად გამოიყურებოდნენ მებაღეები გვირჩევენ, რომ ბუტონირების ეტაპზე გამოვიყენოთ სასუქი. ერთ-ერთი ასეთ სასუქად თვლიან აბუსალათინის ზეთს. ამ ზეთის საშუალებით ყვავილობა ხანგრძლივდება,მცენარე უფრო მდიდრულია, ხოლო თავად ყვავილებს უფრო კაშკაშა შეფერილობა აქვთ.

მომზადების წესი:

1 ლიტრიან პლასტმასის ბოთლში ჩავასხათ ამდენივე ოთახის ტემპერატურის წყალი, დავუმატოთ მას 1ჩ. კოვზი აბუსალათინის ზეთი. ბოთლს დავახუროთ თავი და მიღებული ნარევი კარგად შევანჯღრიოთ იქამდე, სანამ აბუსალათინის ზეთი კარგად არ გაიხსნება წყალში. აუცილებელია ზეთის კარგად გახსნა,რადგან მას შეუძლია მცენარის ფესვები დაწვას.

თუ მცენარე ყვავილობს წელიწადში ერთხელ, მაშინ საკმარისია ამ სასუქის ერთჯერადად გამოყენება. ხოლო თუ მცენარე ყვავილობს მუდმივად, მაშინ აბუსალათინის ზეთის გამოყენება შეიძება თვეში ერთხელ.