ჩემმა მეზობელმა მასწავლა, სკლეროზის სამკურნალო არაჩვეულებრივი საშუალება, რომელმაც დედაჩემს ძალიან არგო

ჩემი მეზობელი ათეულობით წლის განმავლობაში ხალხური საშუალებებით მკურნალობდა მეზობლებსა და ნათესავებს. სწორედ მან მასწავლა სკლეროზის სამკურნალო არაჩვეულებრივი საშუალება, რომლებმაც დედაჩემს ძალიან არგო. სიამოვნებით გთავაზობთ ამ რეცეპტებს:

ნივრის ზეთი
ერთი თავი საშუალო ზომის ნიორი გაარჩიეთ, გახეხეთ, ჩაასხით მინის ქილაში და დაასხით ერთი ჭიქა არარაფინირებული მზესუმზირის ზეთი. შედგით მაცივრის ქვედა თაროზე. მეორე დღეს აიღეთ ლიმონი, ყუნწის ადგილი მოაჭერით და გახეხეთ. ერთი ჩაის კოვზი ფაფა გადადეთ სუფრის კოვზზე, დაამატეთ 1 ჩაის კოვზი ნივრის წვენი და კარგად აურიეთ. მიიღეთ დღეში სამჯერ, ჭამამდე 30 წუთით ადრე. კურსი გრძელდება 1 - 3 თვეს. ამის შემდეგ ერთი თვე შეისვენეთ და კურსი გაიმეორეთ.
ნივრის ზეთი აფართოებს და წმენდს სისხლძარღვებს, ხსნის თავის ტვინისა და გულის მკვებავი სისხლძარღვების სპაზმებს და ქოშინს.

ნიორი
ბოთლის მესამედი აავსეთ დაჭრილი ნივრით. დაასხით არაყი ან 50 -60 გრადუსიანი სპირტი. 14 დღით დადგით სიბნელეში. დღეში ერთხელ მაინც შეანჯღრიეთ. მიიღეთ დღეში 3 - ჯერ, ჭამის წინ, ერთ ჩაის კოვზ ცივ წყალში გახსნილი 5 წვეთი.
წმენდს სისხლძარღვთა სისტემას, აქვეითებს არტერიულ წნევას, ასუფთავებს კუჭს, ხსნის თავის ტვინის სისხლძარღვთა სპაზმს.

თაფლი და ხახვი
ხახვი წვრილად გახეხეთ და გამოწურეთ. 1 ჭიქა წვენს შეურიეთ 1 ჭიქა თაფლი. თუ თაფლი ჩაშაქრდა, შეათბეთ წყლის აბაზანაში. მიიღეთ 1 სუფრის კოვზი დღეში 3 -ჯერ, ჭამამდე 1 საათით ადრე ან ჭამიდან 2 - 3 საათის შემდეგ.
კარგია ათეროსკლეროზის, განსაკუთრებით - ტვინის სკლეროზის, დროს.