ფეხის სისხლძარღვების სპეციალური ვარჯიშები დიაბეტიანებისთვის

შაქრიანი დიაბეტი ნივთიერებათა ცვლის დარღვევაა, რომლის დროსაც ყველაზე მეტად ირღვევა ნახშირწყლებისა და წყლის ცვლა ორგანიზმში. მისი უჯრედები არასაკმარისად ითვისებენ საკვებთან ერთად შემავალ ნახშირწყლებს კუჭქვეშა ჯირკვლის ფუნქციის დარღვევის გამო. ნახშირწყლები დიდი რაოდენობით გროვდება სისხლში და იქიდან თირკმელებით შარდში გამოიდევნება.
დიაბეტის ტიპიური ნიშნები ცვეულებრივ გამოიხატება აუტანელ წყურვილში, დაუოკებელ მადაში და დიდი რაოდენობით შარდის გამოყოფაში, რომელიც შეიცავს შაქარს, და აგრეთვე სისხლში შაქრის არსებობაში; საერთო სისუსტეში, სიგამხდრეში (ან სიმსუქნეში). მხევდლობის გაუარესებაში, პირის ღრუში რკინის გემოს შეგრძნებაში, ნაჭრილობევის ცუდ შეხორცებაში, კანის ქსოვილში და კანის დაავადებებისადმი მიდრეკილებაში.

ფეხის სისხლძარღვების სპეციალური ვარჯიშები დიაბეტიანებისთვის:

1. ფეხის თითები მოკეცეთ და გაშალეთ.
   
   
2. ფეხზე დამდგარმა მონაცვლეობით ასწიეთ ხან ფეხის წვერები, ხან ქუსლები.
   
   
3. დამჯდარმა ასწიეთ ფეხები და შეასრულეთ წრიული მოძრაობები ფეხის წვერებითა და ქუსლებით.
   
   
4. დამჯდარმა ასწიეთ ფეხები, გამართეთ მუხლში იატაკის პარალელურად.
   
   
5. ფეხის თითებით გადაშალეთ გაზეთები.
   
   
6. დაწოლილმა შეეცადეთ ფეხის წვერები მოიზიდოთ თქვენსკენ. ასწიეთ გამართული ფეხები და შეასრულეთ ტერფებით წრიული მოძრაობები.
   
   
7. ჩამოუშვით ფეხები საწოლის ნაპირიდან და მონაცვლეობით ადექით ხან ფეხის წვერებზე, ხან ქუსლებზე.