საოცრად არომატული იტალიური პური ფოკაჩა - ხრაშუნა კანით და ფაფუკი გულით!

ფოკაჩა - თხელი ლავაშია, რომელიც პიცის წინაპრად მიიჩნევა. ის ძალიან სწრაფად ცხვება და იმდენად გემრიელია, რომ ყველაფრის გარეშეც შეგიძლიათ მიირთვათ, ისე, როგორც დამოუკედებელი ღვეზელი.

კლასიკური ფოკაჩას ძრითადი ინგრედიენტებია - ფქვილი, ზეითუნის ზეთი, მარილი და წყალი. რა თქმა უნდა, მზარეულების ფანტაზიას ამ შემთხვევაშიც დიდი გასაქანი აქვს, ამიტომაც დროთგანმავლობაში თხელი პური სხვადასხვა დანამატებით გამოაცხვეს: პომიდვრის ჩირებით, ზეთისხილით, ნივრით, კაპერსებით... გთავაზობთ ფოკაჩას ტრადიციულ ვარიანტს როზმარინითა და ზღვის მარილით: შეუდარებელი არომატი გარანტირებულია!

საჭირო მასალა:

• ფქვილი 500 გ
  
• მშრალი საფუარი 7 გ
  
• წყალი 250 მლ
  
• მარილი 2 ჩ/კ
  
• ზეითუნის ზეთი 80 მლ
  
• როზმარინი გემოვნებით
  

მომზადების წესი:

1. გაცრილ ფქვილს შეურით მშრალი საფუარი და მარილი, დაუმატეთ ზეითუნის ზეთი, შემდეგ თბილი წყალი. მოზილეთ ერთგვაროვანი ელასტიკური ცომი.
   
2. გააბრტყელეთ ცომი საშუალო სისქეზე. წაუსვით ზედაპირზე ზეითუნის ზეთი, გადააფარეთ ცელოფანი და გააჩერეთ თბილ ადგილას 30 წუთი.
   
3. როცა ცომი გაფუვდება, თითებით გააკეთეთ ჩაღრმავებები და ჩაარჭვეთ მათში როზმარინის ღერები. მოაყარეთ ზღვის მსხვილი მარილი.
   
4. აცხვეთ 200 გრადუსზე 25 წუთით. როცა პური გამოცხვება, წაუსვით ზედაპირზე კვლავ ზეითუნის ზეთი.
   

გემრიელად მიირთვით!