მკვებავი , ვიტამინიზირებული ნიღბები, ბუნებრივი საშუალებებით.

ვიტამინიზირებული ნიღბები შეიძლება გაიკეთოთ ნებისმიერი ხილისგან და ბოსტნეულისაგან. კანზე წაისვით კენკრის ან ხილის წვენი. გაიჩერეთ 15 - 20 წუთი. ასეთი ნიღბები შეიცავს მრავალ ვიტამინს და გამოიყენება კანის კვების გასაუმჯობესებლად. ნიღაბი მოიშორეთ ბამბის ტამპონით, რომელსაც დაასველებთ თბილ წყალში, შემდეგ კი წაისვით მკვებავი კრემი.

ბანანის ნიღაბი
გასუფთავებული ბანანი გახეხეთ, დაუამტეთ ცოტა რძე, თუ ცხიმიანი კანი გაქვთ, დაუმატეთ კიდევ რამდენიმე წვეთი ლიმონის წვენი. ნიღაბი მოიშორეთ ახალ რძეში დასველებული ბამბის ტამპონით.

საფუარის ნიღაბი
საცხობი საფუარი აურიეთ 3 % - იან წყალბადის ზეჟანგში ან რძეში სქელი არაჟნის კონსისტენციამდე. გაიჩერეთ 15 წთ. მოიშორეთ ქაღალდის ხელსაწმენდით ან პირსახოცით. ეს ნიღაბი ტონუსის მომცემია, გამახალისებელი, კარგია მშრალი კანისათვისაც და ცხიმიანისთვისაც. იგი შეიცავს ვიტამინებს, არბილებს კანს, აძლევს ელასტიურობას.

კომბოსტოს ნიღაბი ( პარიზული )
100 გრ კომბოსტო გახეხეთ და დაიდეთ სახეზე. ეს ნიღაბი ახალისებს და ხავერდოვანს ხდის სახეს.

მარწყვის ნიღაბი
2 - 3 მარწყვი დასრისეთ და დაიდეთ სახეზე. იგი არბილებს კანს, აუფერულებს ჭორფლს.

სტაფილოს ნიღაბი
გახეხეთ სტაფილო წვრილ სახეხზე, აურიეთ კვერცხის ცილა, დაუმატეთ 1 ჩ/კ ზეითუნის ზეთი ან ატმის ზეთი, ცოტა სახამებელი და დაიდეთ სახეზე.

სტაფილოს და ხაჭოს ნიღაბი
აიღეთ 1 სუფრის კოვზი ხაჭო, 1 სუფრის კოვზი ზეითუნის ზეთი, დაუმატეთ ცოტა რძე და სტაფილოს წვენი. აურიეთ და დაიდეთ სახეზე.

პამიდორის ნიღაბი
რგოლურად დაჭერით პამიდორი და დაიდეთ სახეზე, ზემოდან კი მარლა გადააფარეთ. ეს ნიღაბი წმენდავს და კვებავს კანს.

ვაშლის ნიღაბი
გაასუფთავეთ ვაშლი კანისგან, გახეხთ, დაუმატეთ 1 სუფრის კოვზი ზეითუნის ზეთი, რძე ან არაჟანი. თუ ცხიმიანი კანი გაქვთ დაუმატეთ 1 კვერცხის ცილა.