მენსტრუალურ მუცლის ტკივილს და შებერვას, ამ ვარჯიშებით დააღწევთ თავს!
ბევრი ქალისთვის კრიტიკული დღეების დროს მუცლის შებერვა ჩვეულებრივი ამბავია. თუკი ამას წინა საღამოს მირთმეული ნოყიერი ვახშამიც დაემატა, მუცლისთვის ნამდვილად რთული პერიოდი დგება. ეს ვარჯიშები შებერილ მუცელს შვებას მოჰგვრის. მათი შესრულებისას მუცლის ღრუში წნევა იზრდება და ნაწლავები დაგროვილი აირებისგან თავისუფლდება.
- ბუქნა
ფეხები განზე ისე დადგი, რომ ფეხის თითები გარეთ იყოს მიმართული. მხრებში გაიშალე და დოინჯი შემოირტყი. მუხლები უმნიშვნელოდ მოხარე და ქუსლები იატაკს მოაშორე. მუხლების მოხრა მანამ გააგრძელე, სანამ 90 - გრადუსიან კუთხეს არ წარმოქმნი. დაჭიმე დუნდულა კუნთები და ორიოდე წამით ამ მდგომარეობაში გაჩერდი. მერე საწყის პოზიციას დაუბრუნდი. - მოზიდვა
ზურგზე დაწექი, ფეხები მუხლებში მოხარე და ტერფებით იატაკს დაეყრდენი, ხელები სხეულის გასწვრივ ხელსიგულებით ქვემოთ დააწყვე. შემდეგ მარცხენა ფეხი უცვლელად დატოვე და მარჯვენა ფეხი კოჭით მუხლზე შემოდე. ჩასჭიდე ხელები მარცხენა ბარძაყს და შენკენ ნელა მოზიდე. ამ პოზიციაში 30 წამი გაჩერდი. დაუბრუნდი საწყის მდგომარეობას და ფეხები შეანაცვლე. - პრესი
დაჯექი იატაკზე და ფეხები მუხლებში მოხარე. უკან გადაიწიე და იდაყვებს დაეყრდენი. მუცლის კუნთები შეკუმშე და სხეული წინ ისე წამოსწიე, რომ ხელებით ბარძაყებს ჩაეჭიდო. ამ დროს იდაყვები მაღლა და განზე უნდა გეჭიროს, მხრები დაშვებული გქონდეს. ასე 30 წამით შეყოვნდი და შემდეგ საწყის პოზიციას დაუბრუნდი.
თითოეული ვარჯიში სამ - სამჯერ გაიმეორე.