ეს მარტივი და უებარი რეცეპტი მათთვისაა, ვისაც თირკმლის პრობლემები აწუხებს.

ვერც კი წარმოვიდგენდი, რომ ნესვის კურკები, რომელიც უსარგებლო მეგონა, ასე გამომიკეთებდა ჯანმრთელობას. წლების განმავლობაში მაწუხებდა თირკმელები. ანალიზებმა და ექოსკოპიამ აჩვენა , რომ თირკმელში მარილები და ძალიან მცირე ზომის ( 4 მმ - იანი ) კენჭი მქონდა. მკურნალობის შემდეგ დროებით მიუმჯობესდებოდა მდგომარეობა, მაგრამ მალე ყველაფერი თავიდან იწყებოდა. ნესვის კურკის წამლის რეცეპტი ნაცნობმა მასწავლა.

ინგრედიენტები:

• ნესვის კურკები
  
• 1 ჩ/ჭ რძე
  

მომზადების და გამოყენების წესი:
კურკები უნდა გავრეცხოთ, გავაშროთ და დავფქვათ. 1 ჩ/კ ფხვნილს დავასხათ 1 ჩ/ჭ მდუღარე რძე და 2 - 3 წუთი ვადუღოთ. 1 ჩ/ჭ ნახარშს 7 დღის განმავლობაში დღეში სამჯერ ვსვამდი, რასაც თირკმლის მსუბუქი შეტევა და შარდით კენჭის გამოყოფა მოყვა. მას შემდეგ სულ მაქვს მომარაგებული თესლი და პერიოდულად ( 3 თვეში ერთხელ ) ვიტარებ მკურნალობის კურსს. ეს მარტივი, მაგრამ უებარი წამალია.

ექიმის კომენტარი:
სამკურნალოდ გამოიყენება ნესვის ნაყოფი და თესლი ( კურკა ). ნაყოფი სასარგებლოა მხოლოდ მისი სიმწიფის პერიოდში. ნესვი შეიცავს ბიოაქტიურ ნივთიერებებს: უჯრედისს, შაქარს, აზოტშემცველ ნივთიერებებს, ცხიმებს, არომატულ ნივთიერებებს. ნაყოფი მდიდარია ვიტამინებით - მასში შედის ფოლიუმისა და ნიკოტინის მჟავები, C ვიტამინი.
ნესვის ნაყოფი კლავს წყურვილს, აქვს დამამშვიდებელი, შარდმდენი, მსუბუქი საფაღარათო მოქმედება, აწესრიგებს ნივთიერებათა ცვლას. ნესვი ხალხურ მედიცინაში გამოიყენება ყაბზობის, ჰემოროის ( ბუასილის ), რევმატიზმისა და პოდაგრის სამკურნალოდ.
ნესვის თესლის ნაყენს აქვს ძლიერი შარდმდენი ეფექტი და გამოიყენება თირკმელების დაავადებების დროს.
ნაყოფის რბილობი კარგი კოსმეტიკური საშუალებაა - აშორებს სახის კანს ჭორფლს, პიგმენტურ ლაქებს, უბრუნებს მას ელასტიკურობას.