დეპრესიის საწინააღმდეგო ნაყენი უკვე არსებობს! აი, ისიც!

ბევრი ადამიანი უჩივის ზამთარში ადვილად დაღლას, ნერვულ გადაძაბვას. ასეთი რამ ადრეც მჭირდა და ახლაც ვგრძნობ ხოლმე. როგორც ჩანს, ყველაფერი დეპრესიას უკავშირდება. ახლახან მივაგენი დეპრესიის საწინააღმდეგო ნაყენის რეცეპტს:

დაგვჭირდება:

• 2 ს/კ ხორბალი
  
• 1 ჩ/ჭ წყალი
  

მომზადების და გამოყენების წესი:
2 ს/კ გარეცხილ ხორბალს დაასხით 1 ჩ/ჭ მდუღარე წყალი, დაახურეთ თავსახური, დადგით დაბალ ცეცხლზე და ხარშეთ ნახევარი საათი. შემდეგ შეაგრილეთ და გადაწურეთ. სვით ეს ნახარში 1/3 ჭიქა სამჯერ დღეში, ჭამამდე ნახევარი საათით ადრე.
ხორბლის ნახარში ამაგრებს ორგანიზმს, ზრდის იმუნიტეტს, ამშვიდებს ნერვებს.
კიდევ მასწავლეს ასეთი რამ: ხორბალი დათესეთ ქოთანში და ახალნაზარდი ჯეჯილი გამოიყენეთ ყოველდღიურად ხან ნაყენის მოსამზადებლად, ხანაც საჭმელად. ეფექტის მისაღებად ერთი თვე მაინც დაგჭირდებათ.

ექიმის კომენტარი:
ხორბალს საქართველოში სამკურნალოდ უძველესი დროიდან იყენებდნენ. ის უხვად შეიცავს B ჯგუფის ვიტამინებს , სახამებელს. სწორედ ვიტამინთა ეს ჯგუფი უზრუნველყოფს ხორბლის ნაყენის მრავალმხრივ დადებით ეფექტს. მათ შორის დეპრესიის საწინააღმდეგო მოქმედებას. საამებელი კი კუჭ - ნაწლავის მოქმედებას აწესრიგებს.
ამჟამად ხორბალი მნიშვნელოვანი საკვები კულტურაა. ფარმაკოპეაში შეტანილია ხორბლის სახამებელი.
ქართულ კარაბადინებში აღნიშნულია, რომ ხორბლის ფქვილს ძველად გარედან დასადები წამლების დასამზადებლად იყენებდნენ.