ტანის კარაქი ჭარხლითა და პიტნით

ამ კარაქს სხვა დანარჩენ სასარგებლო თვისებებთან ერთად, საოცარი ფერი აქვს.

ინგრედიენტები:

3 სუფრის კოვზი ქოქოსის ზეთი.

2 სუფრის კოვზი ჭარხლის წვენი (გამოწურეთ წვენსაწურში).

2 წვეთი პიტნის ეთერზეთი.

ინსტრუქცია:

1. ემალის ჯამი სანახევროდ აავსეთ წყლით და დადგით ცეცხლზე. წყლიან ჯამში ჩადგით მეორე ჯამი, რომელშიც ინგრედიენტებს მოათავსებთ. გაადნეთ ქოქოსის ზეთი.
   
2. დამდნარ ზეთს ჩაუმატეთ ჭარხლის წვენი.
   
3. რაც შეიძლება კარგად შეურიეთ ერთმანეთს. ზეთს და წვენს უჭირს შერევა, თუმცა კარგად ერევა ერთმანეთს ოდნავ გაგრილებისას.
   
4. გადმოდგით ჯამი ცეცხლიდან და 5 წუთით შედგით მაცივარში, შემდეგ ისევ აურიეთ. ასე გააგრძელეთ, სანამ ტანის კარაქის კონსისტენციის მასას არ მიიღებთ - რბილს, მაგრამ საკმაოდ მყარს. გამოიღეთ ნაერთი მაცივრიდან.
   
5. დაუმატეთ პიტნის ეთერზეთი.
   
   ვინაიდან ეს კარაქი ნატურალური ჭარხლის წვენს შეიცავს, დიდხანს არ ინახება, ამიტომ გირჩევთ, მცირე ულუფებად გააკეთოთ. თუკი ხშირად არ იყენებთ, შეინახეთ მაცივარში. შეგიძლიათ, ე ვიტამინი დაუმატოთ, რაც კომპონენტებს კარგად „შეინახავს“.