ამ ხსნარის მეშვეობით იოლად დაუბრუნებთ საიუველირო ნაწარმს უწინდებურ მბზინვარებას!

საიუველირო ნაწარმი თითოეულ ადამიანს აქვს. ეს შეიძლება ქორწინების ბეჭედი, საყურე ან ძეწკვი იყოს, რომელიც ძვირფასია მისი მფლობელისთვის. სამწუხაროდ, დროთა განმავლობაში სამკაული კარგავს უწინდებურ იერსახეს.

FPAPARAZZI-ს რედაქციამ თქვენთვის რჩევა მოამზადა, რომელიც დაგეხმარებათ, საიუველირო ნაწარმს დაუბრუნოთ უწინდებური იერსახე.

როგორ გავწმინდოთ საიუველირო ნაწარმი



საჭირო მასალა

• 1 ს.კ. მარილი
  
• 1 ს.კ. სოდა
  
• 1 ს.კ. ჭურჭლის სარეცხი საშუალება
  
• 1 ჭიქა წყალი
  
• ალუმინის კილიტა (ფოლგა)
  

სამუშაო პროცესი

1. 2 წუთის განმავლობაში გააცხელეთ წყალი მიკროტალღურ ღუმელში.
   
2. მოათავსეთ ფოლგის ნაჭერი თეფშზე ან თასის ზედაპირზე.
   
3. დაასხით თასში გაცხელებული წყალი, დაამატეთ მარილი, სოდა და ჭურჭლის სარეცხი საშუალება. მოათავსეთ ამ ხსნარში სამკაულები 15 წუთით.
   
4. გარეცხეთ სამკაულები წყლით და გაამშრალეთ პირსახოცით.
   

ამ ხსნარის გამოყენების შემდეგ კვლავ შეძლებთ საყვარელი სამკაულების ტარებას. საიუველირო ნაწარმი ახალივით გაიბრწყინებს!