ღორის ხორცი შავი ქლიავით, ნაღების სოუსში

fpaparazzi ნოყიერი და ძალიან გემრიელი ვახშმის რეცეპტს გთავაზობთ.

საჭირო მასალა:

• ღორის რბილი ხორცი 800 გ
  
• შავი ქლიავის ჩირი უკურკო 8 ცალი
  
• ზეითუნის ზეთი 1 ს/კ
  
• კარაქი 50 გ
  
• თეთრი მშრალი ღვინო 100 მლ
  
• ქათმის ბულიონი 150 მლ
  
• ნაღები 35 %-იანი 2 ს/კ
  
• დაჭრილი ოხრახუში 1 ს/კ
  
• ფქვილი ამოსავლებად
  
• მარილი და წიწაკა გემოვნებით
  

გარნირისთვის:

• კარტოფილის პიურე
  
• ჩაშუშული კომბოსტო
  

მომზადების წესი:
1. გარეცხეთ შავი ქლიავი ჩირი და გააშრეთ.
2. ღორის ხორცი დაჭერით 8 მოზრდილ ნაჭრად და თითოეულზე გააკეთეთ ღრმა ჩანაჭერი. მოათავსეთ თითოეულ ნაჭერში შავი ქლიავი ჩირი. მოაყარეთ ფქვილი.
3. გაახურეთ ტაფა და გაადნეთ 1 ს/კ კარაქი და ზეითუნის ზეთ. მოათავსეთ ღორის ხორცის ნაჭრები და შეწვით ორივე მხრიდან 5-5 წუთი. გადმოიტანეთ ლანგარზე.
4. ტაფიდან გადაღვარეთ ზედმეტი ცხიმი და ჩაასხით ღვინო და ბულიონი. მიიყვანეთ ადუღებამდე და ადუღეთ, სანამ ოდნავ არ ამოქრება.
5. დაუმატეთ ნაღები და დარჩენილი კარაქი. მოაყარეთ მარილი და წიწაკა და 3 წუთი ადუღეთ, თან შეუჩერებლად ურიეთ.
6. გაწურეთ სოუსი წვრილ საცერში. ტაფა გაწმინდეთ მშრალი ქაღალდის ხელსახოცით. დააბრუნეთ სოუსი ტაფაში და ჩაალაგეთ შემწვარი ღორის ხორცის ნაჭრები. ერთი წამოადუღეთ და გადმოდგით ცეცხლიდან.
7. სუფრასთან მიიტანეთ კარტოფილის პიურესთან ან ჩაშუშულ ბოსნტეულთან ერთად.
გემრიელად მიირთვით