5 რამ, რასაც ყურადღება უნდა მიაქციოთ ფეხსაცმლის შეძენისას

5 რამ, რასაც ყურადღება უნდა მიაქციოთ ფეხსაცმლის შეძენისას
თუ ფეხსაცმელს ყიდულობთ, სავარაუდოდ, რამდენიმე სეზონზე აპირებთ მის ჩაცმას. ამიტომ, ფეხსაცმლის შერჩევას ყურადღებით უნდა მიუდგეთ. იგი არამხოლოდ ხარისხიანი, არამედ, კომფორტულიც უნდა იყოს. გთავაზობთ 5 რჩევას, რომლებიც დაგეხმარებათ იდეალური წყვილის შერჩევაში.

1. უცნაურად ჟღერს, მაგრამ ფეხსაცმელი საღამოს უნდა შეიძინოთ. იმიტომ, რომ საღამოს ფეხები დაღლილობისგან შეშუპებულია და ზომაში იზრდება. შესაბამისად, ის ფეხსაცმელი, რომელიც დილით მოგერგოთ, საღამოს დისკომფორტს შეგიქმნით.

2. სხვადასხვა მწარმოებელს ზომის სხვადასხვა სტანდარტები აქვს. ეს ნიშნავს, რომ სანამ ფეხსაცმელს იყიდით, კარგად უნდა მოირგოთ და მითითებულ ზომას დიდი ყურადღება არ უნდა მიაქციოთ.

3. ცოტათი სასაცილოდ ჟღერს, მაგრამ უამრავი რაოდენობის ადამიანს ერთი ტერფი მეორეზე ცოტათი დიდი აქვს. ამიტომ, სწორედ უფრო დიდ ტერფზე უნდა მოირგოთ ფეხსაცმელი და იმის შესაბამისად შეიძინოთ.

4. როდესაც ფეხსაცმელს ყიდულობ, უნდა წარმოიდგინო, თუ სად ჩაიცვამ მას. მაგალითად, რთულია, მთელი დღე მაღალ ქუსლებზე სიარული. თუ ორი წყვილის ყიდვას აპირებთ, ერთ-ერთი ე.წ. ტანკეტკა შეარიეთ, რომელშიც თავს მოხერხებულად იგრძნობთ მთელი დღის განმავლობაში.

5. გახსოვდეთ, რომ ფეხის ზომა შეიძლება გაიზარდოს, ამიტომ გაიზომეთ ყოველ 2 წელიწადში. ეს განსაკუთრებით მნიშვნელოვანია, თუ ფეხსაცმლის შეძენას არა მაღაზიაში, არამედ ინტერნეტით აპირებთ.