გოგრის ფაფუკი და არომატული ფენქეიქები

fpaparazzi გირჩევთ, აუცილებლად მოამზადოთ ეს ფენქეიქები, სანამ გოგრის სეზონია - გვენდეთ, არ ინანებთ!
საჭირო მასალა:

• კვერცხი 3
  
• შაქარი 1/3 ჭიქა
  
• ზეთი 1/3 ჭიქა
  
• გოგრის პიურე (მოხარშულის ან შემწვარის) 1/2 ჭიქა
  
• კეფირი 1.5 ჭიქა
  
• დარიჩინი 1/2 ჩ.კ
  
• მუსკატის კაკალი (ჯავზი) დანის წვერით
  
• ფქვილი 2 ჭიქა
  
• სოდა 1 ჩ.კ
  
• წყალი 1/4 ჭიქა
  

მომზადების წესი:
1. ათქვიფეთ კვერცხი, შაქარი და ზეთი ერთად. დაამატეთ კეფირი, გოგრის პიურე, ვანილი და კიდევ ათქვიფეთ.
2. შემდეგ დაამატეთ დარიჩინი, მუსკატის კაკალი, ფქვილი, სოდა და მწიკვი მარილი.
3. ბოლოს დაამატეთ წყალი და კარგად ათქვიფეთ.
4. ტაფა გააცხელეთ საშუალო ცეცხლზე და გამოაცხეთ ფენქეიქები ორივე მხრიდან, ცხიმის გარეშე.
5. მიირთვით ცხელი კარაქთან, მურაბასთან, თაფლთან ან ხილთან ერთად.