დაბრაწული კარტოფილი-გარმონის უჩვეულო და მარტივი რეცეპტი

მსოფლიოში კარტოფილსგან მომზადებული კერძის უამრავი რეცეპტი არსებობს, მაგრამ ასეთი ალბათ იშვიათად თუ ვინმეს გაუსინჯავს.
fpaparazzi გთავაზობთ კარტოფილი-გარმონის რეცეპტს, რომლის მომზადებასაც ძალიან ცოტა დრო და მონდომება სჭირდება.
საჭირო მასალა:

• 2 საშუალო ზომის კარტოფილი
  
• ბეკონი, ლორი ან სალა
  
• ზეთი 2-3 ს/კ
  
• კარის სანელებელი 1 ჩ/კ
  
• სოიოს სოუსი 1 ს/კ
  
• მარილი და პილპილი
  

მომზადების წესი:

1. აიღეთ 2 კარტოფილი, სასურველია თანაბარი ზომის იყოს.
   
2. გაფცქვენით და გარეცხეთ.
   
3. კარტოფილის ქვეშ დადეთ სუფრის კოვზი და ჩაჭერით ზოლებად მთლიანი კარტოფილი. კოვზი იქნება დაბრკოლება, რათა კარტოფილი ბოლომდე არ ჩაიჭრას.
   
4. ჩაჭრილი კარტოფილი შეახვიეთ ფოლგაში და შედეთ წინასწარ 200 გრადუსზე გახურებულ ღუმელში 30 წუთი.
   
5. სანამ კარტოფილი იწვება, დაჭერით ძეხვი იმ ზომებზე, რომ კარტოფილიდან ძალიან არ გამოჩნდეს.
   
6. მოაყარეთ მარილი, შავი პილპილი და დაუმატეთ ზეთი. კარგად აურიეთ.
   
7. მოამზადეთ სოუსი. პატარა ღრმა ჯამში ჩაასხით სოიოს სოუსი, ჩაყარეთ კარი და დაუმატეთ ზეთი.
   
8. ნახევარ საათში გამოიღეთ კარტოფილი ღუმელიდან, შემოაცალეთ გვერდებიდან ფოლგა, დაუტოვეთ ძირზე.
   
9. ლორი გაანაწილეთ კარტოფილის ჩანაჭრებში და გულუხვად მოასხვით სოუსი.
   
10. შეახვიეთ კვლავ ფოლგაში და შეაბრუნეთ ღუმელში კიდევ 10 წუთი (იგივე ტემპერატურაზე).
    
11. სურვილისამებრ მზა კარტოფილს შეგიძლიათ მოაყაროთ გახეხილი ყველი და მწვანილი.
    

გემრიელად მიირთვით!