ტროპიკული წყლულის სამკურნალო რეცეპტები - ხალხური მედიცინიდან!

ტროპიკული წყლული საკმაოდ ფართო მცნებაა და ქსოვილთა კვების დარღვევით გამოწვეულ შეუხორცებელ ჭრილობას, კანისა და რბილი ქსოვილების დეფექტს ნიშნავს. ტროპიკული წყლულების 80% ვენური წყლულების წილად მოდის, რაც ვენური უკმარისობის ბოლო სტადიაა. წყლული შეიძლება განვითარდეს არტერიული პათოლოგიის ფონზეც, ქრონიკული არტერიული უკმარისობის დროს. წყლული შეიძლება წარმოიშვას სისტემური დაავადებების - რევმატოიდული ართრიტის, ვასკულიტის, ოსტეომიელიტის და კანის სხვა სიმსივნის შედეგადაც, თუმცა მათი გავრცელება საკმაოდ მცირეა. Fpaparazzi-ის რედაქცია გთავაზობთ ტროპიკული წყლულის სამკურნალო რამდენიმე რეცეპტს.

1. გაიკეთეთ ტირიფის ქორფა ფესვების მაგარი ნახარშის კომპრესი.
   
2. დანაყილი ყვავისკუდა (ბალახი) დაიდეთ წყლულზე ერთი დღე-ღამის განმავლობაში.
   
3. თუ წყლული არ ხორცდება, დღეში 1-2 ჯერ დაიდეთ მრავალძარღვას დანაყილი ფოთლები და შეიხვიეთ.
   
4. ვარდის ან ასკილის ყვავილის ფურცლები ასტიმულირებს ქსოვილთა აღდგენას. ფურცლები დაასველეთ წყალში და დაიფინეთ წყლულზე. კომპრესი გედოთ მთელი ღამე.
   
5. კარგია წმინდად გახეხილი ახალი სტაფილოს კომპრესიც.
   
6. წყლულზე დაიდეთ ჩაის სოკოს ნაჭერი, ზევიდან დაიფინეთ დოლბანდი და პერგამენტი (ცელოფანი არ შეიძლება). ჩაის სოკოს ჭრილობიდან გამოაქვს ჩირქი. პროცედურები 1 კვირის განმავლობაში ჩაიტარეთ, ძილის წინ.
   
7. თუ დანაყილი ჭინჭრის ფოთლებს ჭრილობაზე დაიდებთ, ინფექცია აღარ გაგრძელდება.
   

ექიმის კომეტარი: შემოთავაზებულ რეცეპტებში შემავალი კომპონენტები ანტიბაქტერიული, ანტიანთებითი და ქსოვილთა რეგენერაციული თვისებებით ხასიათდება. ამიტომ ისინი უთუოდ გააუმჯობესებენ ავადმყოფის მდგომარეობას.