მეწყერი კახეთში - მიწის დიდი მასა მდინარე დურუჯის სათავეში ჩამოწვა

მეწყერი ჩამოწვა კახეთშიც. არსებული ინფორმაციით მიწის დიდი მასა მდინარე დურუჯის სათავეში ჩამოწვა. არსებობს საფრთხე, რომ მიწის მასამ მდინარის კალაპოტი ჩახერგოს, რაც ყვარლის მუნიციპალიტეტს საფრთხეს უქმნის.

მდინარე დურუჯის ხეობაში ყვარლის გამგებელი ილია მზექალაშვილი და სპეციალისტები, ასევე გარემოს დაცვის სამინისტროს თანამშრომლები მიემგზავრებიან.

დამატებითი დეტალები გარემოს დაცვის სამინისტროს თანამშრომლების ადგილზე ჩასვლის შემდეგ გახდება ცნობილი.