"იურული პერიოდის მსოფლიოს" თრეილერმა Youtube ააფეთქა

კომპანია Universal Pictures-ის Youtube-ის არხზე ფილმ "იურული პერიოდის მსოფლიოს" ახალი თრეილერი გამოქვეყნდა. ერთ დღეში ვიდეორგოლი ორ მილიონზე მეტმა ადამიანმა ნახა.

ფილმის მოქმედება წინა ნაწილის მოვლენებიდან 22 წლის შემდეგ ვითარდება: კუნძულ ნუბლარზე დინოზავრების პარკის რეკონსტრუქცია განხორციელდა, მაგრამ გასართობ კომპლექსს დამთვალიერებლები აკლდება, რის გამოც ხელმძღვანელობა სტუმრების მოზიდვის მიზნით ახალი ატრაქციონის გახსნას გადაწყვეტს. შედეგად, შემოსავლის ნაცვლად კომპანიის მფლობელები მხოლოდ უსიამოვნებებს იღებენ.