გურჯაანში 12 წლის გოგონა ექვსი თვის ორსულია

გურჯაანის მუნიციპალიტეტის სოფელ კარდენახში, 12 წლის გოგონა, რომელიც ზაფხულში გათხოვდა, 6 თვის ორსულია. ამის შესახებ speqtri.ge-ს გურჯაანის "ჯეო ჰოსპიტალსის" ექიმი-პედიატრი ლალი მირიანაშვილი ესაუბრა.

"გოგონა თავისი სურვილით გაჰყვა 18 წლის ბიჭს. დედამ მოიყვანა, მუცლის ტკივილით გამოწვეული დისკომფორტი ჰქონდა. ქირურგიც და გინეკოლოგიც ჩავაყენეთ საქმის კურსში. ორსულობა ჩვეულებრივ მიდის, პაციენტი ჯანმრთელადაა და ბინაზე გავუშვით", - ამბობს ლალი მირიანაშვილი. როგორც ლალი მირიანაშვილმა აღნიშნა, პაციენტის დას შვილი 14 წლის ასაკში შეეძინა.