"პატრულში კაცი არ უნდა რეკავდეს" (ვიდეო) - ჩანაწერი რის საფუძველზეც შსს დაჯარიმდა
შინაგან საქმეთა სამინისტრო სამართალდარღვევაზე ინფორმატორის პერსონალური მონაცემების უკანონო გაცემისთვის დაჯარიმდა- თემაზე რეპორტაჟი ტელეკომპანია "ტაბულამ" მოამზადა. იურისტმა თორნიკე უსტარაშვილმა, პატრულს არასწორი პარკირების შესახებ მიაწოდა ინფორმაცია, პატრულის თანამშრომელმა კი ავტომობილის მფლობელს იურისტის ნომერი მიაწოდა, რის შემდეგაც, ავტომობილის მფლობელმა და მისმა მეუღლემ უსტარაშვილს დაურეკეს. ფაქტის შესწავლის შემდეგ პერსონალურ მონაცემთა დაცვის სააგენტომ დარღვევა გამოავლინა და შსს 500 ლარით დაჯარიმდა.